បេក្ខជន Cambodian Idol ២ដួងចេះធ្វើបទ Original ទទួលបានការគាំទ្រពេញហ្វេសប៊ុក
- 2015-09-04 14:41:04
- ចំនួនមតិ 0 | ចំនួនចែករំលែក 0
បេក្ខជន Cambodian Idol ២ដួងចេះធ្វើបទ Original ទទួលបានការគាំទ្រពេញហ្វេសប៊ុក
ចន្លោះមិនឃើញ
បេក្ខជនប្រលងនៅក្នុងកម្មវិធីពិភពលោក Cambodian Idol ២រូបមិនត្រឹមតែមានសមត្ថភាពអាចច្រៀងបានពិរោះប៉ុណ្ណោះទេពួកគេថែមទាំងអាចផលិតបទ Original ខ្លួនឯងបានជាច្រើនបទទៀតផង។
អ៊ាម វន្នី បេក្ខជនមកពីខេត្តបាត់ដំបង មានអាយុ២៨ឆ្នាំ មុននឹងចូលប្រលងក្នុងកម្មវិធី Cambodian Idol នេះលោកនិពន្ធបានជាង១០បទហើយ។ នេះបើតាមការលើកឡើងរបស់សាមីខ្លួននៅថ្ងៃប្រលង Cambodian Idol វគ្គដំបូងតែម្ដង។
តាមរយៈបណ្តាញសង្គមហ្វេសប៊ុកមាន Fans ជាច្រើនគាំទ្របទចម្រៀងរបស់ វន្នី ជាពិសេសបទ "ស្អប់ស្នេហ៍ដំបូង" "ធុញទីក្រុង" និងបទ " ខ្ញុំជាអ្នកបាត់ដំបង" ជាដើម។ មិនតែប៉ុណ្ណោះរាល់បទចម្រៀងដែលលោក បានផុសនៅលើបណ្តាញសង្គមខាងលើរួមទាំងប្រព័ន្ធយូធូបគឺសុទ្ធតែមានការគាំទ្រខ្លាំង។
មិនខុសគ្នា បេក្ខជន បូឡាំ កាក្រៃ មកពីខេត្តប៉ៃលិន បានប្រាប់ថាមកដល់ពេលនេះលោកនិពន្ធបទ Original បានជាង ១០ ក្នុងនោះលោកផុសនៅលើបណ្តាញសង្គមហ្វេសប៊ុកបានតែប៉ុន្មានភាគរយប៉ុណ្ណោះ។ មកដល់ឥឡូវ កាក្រៃ អះអាងថាមានទស្សនិកជនស្គាល់រូបលោកកាន់តែច្រើនខុសពីកាលមុនចូលប្រលង Cambodian Idol ។
"ចំពោះបទ Original ដំបូងខ្ញុំមានចំណងជើងថា "រាត្រីនឹកស្នេហ៍" ពាក់ព័ន្ធនឹងបទ Original វិញខ្ញុំនិពន្ធខ្លួនឯងទាំងអស់ បើនិយាយពីភ្លេងមិនសូវពូកែទេ ប៉ុន្តែអាចបង្កើតបទថ្មីបាន។ ការនិពន្ធនេះខ្ញុំចេះតាំងពីរៀនថ្នាក់ទី៩ម្ល៉េះបង ព្រោះមានការជួយពីលោកគ្រូម្នាក់នៅប៉ៃលិន។ប៉ុន្តែបទ Original ទាំងអស់ហ្នឹងមិនទាន់ផុសលើយូធូប និងហ្វេសប៊ុកច្រើនទេ ចាំមានផលិតកម្មគេទាក់ទងសិនណាបងចាំដាក់បញ្ចូលទាំងអស់ (សើច)"។"។ កាក្រៃ ប្រាប់Sabay ។
មកដល់ពេលនេះ បេក្ខជន បូឡាំ កាក្រៃ បានធ្លាក់ក្នុងវគ្គជម្រុះ ២២នាក់ ចំណែក អ៊ាម វន្នី ទទួលបានសិទ្ធិបន្តទៅដល់វគ្គ Live Show៕
អត្ថបទ៖ ថា ម៉ាលីដា