អ្នកវិទ្យាសាស្ត្ររកឃើញអណ្ដើកសមុទ្រមានពន្លឺពណ៌បៃតង និងក្រហម

2015-10-06 18:17:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកស្រាវជ្រាវជីវសាស្ត្របានប្រទះឃើញសត្វអណ្ដើកមួយក្បាល ដែលមានពន្លឺពណ៌បៃតង និងក្រហមនៅលើស្នូក។ នេះជារបកគំហើញថ្មីមួយ ដែលសារកន្លងមកគេមិនដែលប្រទះឃើញល្មូនដែលមានពន្លឺនោះទេ។

ក្រុមការងារស្រាវជ្រាវពីសាកលវិទ្យាល័យក្រុងញ៉ូវយក សហរដ្ឋអាមេរិកបានចុះទៅសិក្សាស្រាវជ្រាវក្នុងបាតសមុទ្រនៅលើប្រទេសដែនកោះ Solomon នៃមហាសមុទ្រប៉ាស៊ីហ្វិកភាគខាងត្បូង។ អំឡុងពេលថតវីដេអូផ្កាថ្មប៉ប្រះទឹក ពួកគេក៏បានប្រទះឃើញសត្វអណ្ដើកមួយក្បាលនោះ។

លោក David Gruber ជីវវិទូដែលបានមកជាមួយក្រុមអ្នកស្រាវជ្រាវនោះបានឲ្យដឹងថា ៖ " វាដូចជាយានអវកាសមួយយ៉ាងអញ្ចឹងមានពណ៌ក្រហម និងបៃតង។ អ្នកវិទ្យាសាស្ត្រជាច្រើនទៀតក៏បានរកឃើញជីវិតសត្វក្នុងបាតសមុទ្រដែលមានពន្លឺនេះដែរ តែចំពោះពន្លឺនោះយើងពុំអាចមើលឃើញដោយភ្នែកទទេឡើយ វាប្រើពន្លឺនោះដើម្បីសម្គាល់គ្នា និងទំនាក់ទំនងជាមួយសត្វប្រភេទផ្សេងៗ។ ក្រោយប្រទះឃើញសត្វអណ្ដើកមួយនេះ ក្រុមការងារបានចាប់ផ្ដើមស្រាវជ្រាវស្វែងរកវាបន្តទៀត "។

អ្នកវិទ្យាសាស្ត្របានរកឃើញជីវិតក្នុងបាតសមុទ្រមានពន្លឺស្រដៀងនឹងសត្វអណ្ដើកខាងលើ ដូចជាផ្កាថ្ម ខ្ញែរសមុទ្រ សេះសមុទ្រ បបែលសមុទ្រ ត្រីអន្ទង់សមុទ្រជាដើម។ ជីវិតនៃសារពាង្គកាយទាំងនោះគឺស្រូបយកពន្លឺ និងបញ្ចេញវិញជាពណ៌ប្លែកៗ។ ប៉ុន្តែដើម្បីឃើញពន្លឺនោះអ្នកវិទ្យាសាស្ត្របានប្រើប្រាស់បច្ចេកវិទ្យាកាមេរ៉ាម្យ៉ាងដែលមានពណ៌ខៀវដើម្បីមើល ខុសប្លែកពីអណ្ដើកមួយនេះ ដែលស្រូបពន្លឺហើយអាចឲ្យយើងឃើញនឹងភ្នែកទទេ៕