Big Bang និង Ikon នឹងចូលរួម MAMA ឆ្នាំនេះ
- 2015-11-18 18:27:38
- ចំនួនមតិ 0 | ចំនួនចែករំលែក 0
Big Bang និង Ikon នឹងចូលរួម MAMA ឆ្នាំនេះ
ចន្លោះមិនឃើញ
ដោយសារជម្លោះផ្ទៃក្នុងរវាងផលិតកម្មចម្រៀង YG ជាមួយនឹងប៉ុស្តិ៍ទូរទស្សន៍ Mnet កាលពីដើមឆ្នាំ អ្នកគាំទ្របានសន្និដ្ឋានថាគ្រប់តារារបស់ YG Entertainment ទាំងអស់នៅឆ្នាំនេះនឹងមិនចូលរួមកម្មវិធីប្រគល់រង្វាន់ប្រចាំឆ្នាំ Mnet Asian Music Awards នោះទេ។ យ៉ាងណាក៏ដោយ ក្នុងជំនួបរវាងភាគីទាំងសងខាងនៅពេលថ្មីៗនេះ រឿងរ៉ាវទាំងអស់ត្រូវបានសម្របសម្រួលឲ្យបានប្រសើរឡើងវិញ។
មុននេះបន្តិច MAMA បានចេញសេចក្ដីប្រកាសជាផ្លូវការថា តារាស្ថិតក្រោមការគ្រប់គ្រងរបស់ YG រួមមាន Big Bang និង Ikon នឹងមានវត្តមានក្នុងកម្មវិធីប្រគល់រង្វាន់ឆ្នាំនេះ រួមជាមួយនឹង JYP ផងដែរ។
វត្តមានរបស់តារាទាំងនេះនៅ MAMA ឆ្នាំ ២០១៥ គឺត្រូវការជាចាំបាច់ព្រោះ Big Bang និង Ikon សុទ្ធតែក្រុមចម្រៀងបុរសដែលទទួលបានជោគជ័យយ៉ាងខ្លាំងក្នុងឆ្នាំនេះ។ Big Bang បានចេញបទថ្មីរបស់ខ្លួនជារៀងរាល់ខែ គិតចាប់ពីខែឧសភាដល់ខែកញ្ញា។ រីឯ Ikon វិញគឺជាក្រុមចម្រៀងថ្មីដែលទទួលបានចំណាប់អារម្មណ៍ច្រើនលើសលុបពីអ្នកគាំទ្រចម្រៀង Kpop។
តារាដទៃទៀតដែលនឹងបង្ហាញមុខនៅ MAMA ២០១៥ រួមមាន CNBLUE, GOT7, BTS, និង Zion.T៕
ចុចអាន៖Big Bang អាចនឹងមិនចូលរួម MAMA ឆ្នាំនេះ
ប្រែសម្រួល៖ សុវណ្ណផៃ ប្រភព៖soompi