ពេលទៅថៃ ទេសចរគួរដឹងអ្វីខ្លះ?

2014-10-22 21:17:55
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងមក Sabay បានធ្វើការចុះផ្សាយអត្ថបទមួយ ស្ដីពីការហាមប្រាមមួយចំនួននៅថៃ ដែលទេសចរខ្មែរបរទេសគួរយល់ដឹង។ ដោយឡែក ថ្ងៃនេះប្រិយមិត្តនឹងទទួលបានចំណេះដឹងថ្មី ពាក់ព័ន្ធការធ្វើដំណើរ ក្នុងនាមជាទេសចរណ៍ របស់ប្រទេសនេះ។

១. ភាសា

ថៃជាភាសាផ្លូវការក្នុងប្រទេសមួយនេះ ប៉ុន្តែមនុស្សភាគច្រើន និយាយភាសាអង់គ្លេសបានយ៉ាងស្ទាត់ជំនាញ ។ ដើម្បីជាការគោរព អ្នកត្រូវតែរៀននិយាយស្វាគមន៍ជាភាសាថៃ។

២. ពេលវេលា

ខែវិច្ឆិកា - កុម្ភៈ៖ ជាពេលដែលមានមនុស្សទៅលេងប្រទេសថៃច្រើនបំផុត ព្រោះពេលនេះមានអាកាសធាតុល្អ និងបុណ្យច្រើន។ ចំណែកចន្លោះខែមិនា - ឧសភា និង មិថុនា - កក្កដា ក៏ជាពេលល្អដែរ ក្នុងការដើរលេងនៅភាគខាងជើងប្រទេសថៃ។

ខែកក្កដា - តុលា៖ ជាពេលដែលមនុស្សមិនសូវទៅ ព្រោះជារដូវភ្លៀង។

៣. ទិដ្ឋាការ និង សុខភាព៖ អ្នកដំណើរត្រូវមាន Visa និងត្រូវបានគេពិនិត្យសុខភាពយ៉ាងយកចិត្តទុកដាក់ (សម្រាប់បរទេស)។ សម្រាប់ភ្ញៀវជាជនជាតិខ្មែរ ទិដ្ឋាការត្រូវបានលើកលែងក្នុងរយៈពេលខ្លី (សូមចុចត្រង់នេះសម្រាប់ព័ត៌មានទាក់ទងនឹងចំនួនថ្ងៃនៃលើកលែងទិដ្ឋាការ)

៤. ទឹកផឹក៖ ផឹកទឹកក្នុងប្រទេសថៃ មិនសូវមានសុវត្ថិភាពទេ។ ពេលផឹកទឹកដប ត្រូវច្បាស់ថាទឹកកក ត្រូវគេបន្សុទ្ធហើយឬនៅ។

៥. ភោជនីយដ្ឋាន៖ តាមទម្លាប់ បើអ្នកចូលញ៉ាំអីអស់ ៤៧៥បាត អ្នកត្រូវឱ្យ ៥០០បាត ចំណែក២០បាតទៀតជាលុយទឹកតែ។ ច្បាប់ទូទៅ គេមិនដែលទុកលុយទឹកតែតិចជាង១០បាតឡើយ។

៦. ហាង Salons/Services៖ លុយធីបច្រើនមិនចាំបាច់ទេ តែ៥០-១០០បាត ជាលុយធីបបង្ហាញពីកាយវិការ ពេញចិត្តពីសេវាកម្ម។

៧. សណ្ឋាគារ៖ គ្រប់សណ្ឋាគារនឹងគិតលុយសេវាកម្មបន្លែម១០% លើវិក្កយបត្រ បើសិនណាអ្នកមិនបានឱ្យលុយធីប។

៨. អ្នកនាំទេសចរ៖ ៥០-១០០បាត ជាលុយធីបបង្ហាញពីកាយវិការល្អ ប៉ុន្តែសេវាកម្មនេះមិនតម្រូវឱ្យបង់ទេ។

៩. រម៉កកង់បី៖ អ្នករត់រម៉កកងបីក្នុងប្រទេសថៃ តែងកេងចំណេញពីទេសចរ។ ដូចនេះត្រូវសួរតម្លៃឱ្យបានច្បាស់ មុនឡើងជិះ។

១០. រកសណ្ឋាគារគេង៖ កុំឱ្យអ្នកបើកបរផ្ដល់យោបល់ពីសណ្ឋាគារ ព្រោះពួកគេអាចស៊ីសំណូកគ្នា ជាមួយម្ចាស់សណ្ឋាគារ ដែលធ្វើឱ្យអ្នកចំណាយលុយច្រើនជាងតម្លៃពិតប្រាកដ។

១២. បាងកក៖ នៅថៃមានកន្លែងអ្នកកេងចំណេញពីទេសចរច្រើនណាស់ ជាពិសេសទីក្រុងបាងកក។ មើលអីវ៉ាន់របស់អ្នក កុំទុកចិត្តមនុស្សដែលមកនិយាយជាមួយអ្នក។

១២. អាហារ៖ អាហារល្បីនៅថៃ ជាអាហារនៅតាមចិញ្ចើមថ្នល់។ ថៃសំបូរអាហារស្រស់ៗ តែកុំភ្លេចបាយដំណើបស្វាយ ព្រោះវាជាបង្អែមលាងមាត់ដ៏ឆ្ងាញ់។

១៣. វ័យអាចទទួលទានស្រា៖ អ្នកអាចផឹកស្រាបាន គឺត្រូវមានអាយុ១៨ឆ្នាំ។

១៤. មធ្យោបាយធ្វើដំណើរ (រថយន្តសាធារណៈ និងរថភ្លើង)

-ទីក្រុងបាងកក មានរថភ្លើងទំនើបមួយ ដែលបើកក្នុងទីក្រុង (LINK)។

-មានរថយន្តក្រុងជាច្រើន បើកក្នុងប្រទេស ប៉ុន្តែការជិះយន្តហោះក៏មានតម្លៃធូរថ្លៃដែរ ហើយទេសចរចូលចិត្តជិះណាស់។

១៤. ក្រុមហ៊ុនអាកាសចរបញ្ចុះតម្លៃ៖ Air Asia និង Jetstar Asia។

១៥. សន្តិសុខ៖ ថៃត្រូវបានគេចាត់ទុកថា ជាប្រទេសមានសុវត្ថិភាពមួយ តែទោះយ៉ាងណា នៅតែមានចោរឆក់ហោប៉ៅ និងមនុស្សរកផលចំណេញដែរ។ ទេសចរមិនគួរដើរតែម្នាក់ឯងក្នុងទីក្រុងបាងកកទេ៕

អត្ថបទពាក់ព័ន្ធ៖

៥កន្លែងដ៏ទាក់ទាញនៅម៉ាឡេស៊ី និងសិង្ហបុរី ខ្មែរនិយមទៅកម្សាន្តជាងគេ ចុចត្រង់នេះ

ទឹកធ្លាក់២របស់ថៃ ជាប់ជាទឹកធ្លាក់ស្អាតចំណោម១០៥លើលោក ចុចត្រង់នេះ

ប្រែសម្រួល៖ អ៊ុំ សុភក្តិ ប្រភព៖ travelerscheatsheet

ពាក្យទាក់ទង

ព័ត៌មានសង្គមអន្តរជាតិ តំបន់ទេសចរណ៍អន្តរជាតិ

អត្ថបទពេញនិយម

ដឹងហើយ អ្នកនៅពីក្រោយនៃការអភិវឌ្ឍប្រឡាយបេតុងក្នុងវាលស្រែដ៏ស្រស់ស្អាត ដែលកំពុងល្បីលើបណ្តាញសង្គម

ក្រវិលកំប៉ុងគ្រុឌមួយ និងលុយ ៥០០រៀល ផ្លាស់ប្តូរជីវិតកសិករកម្សត់ម្នាក់

ទំនប់ដូនទ្រី ដែលប្រើបច្ចេកទេសជីករូងភ្នំមិនធ្លាប់មាននៅកម្ពុជា ពេលសង់រួចនឹងអាចស្រោចស្រពលើផ្ទៃដីកសិកម្មជាង ៣ម៉ឺនហិកតា

សម្ដេចតេជោចូលរួមដឹកនាំផ្ទាល់ការប្រកួតបាល់ទាត់សប្បុរសធម៌

ប្រធានក្រុមបាល់ទាត់ CFSS បញ្ជាក់ពីវត្ដមានសម្ដេចតេជោក្នុងព្រឹត្ដិការណ៍បាល់ទាត់មិត្ដភាពសប្បុរសធម៌

រូបព្រះពុទ្ធបដិមា ជាង១០០បំណែក ប្រទះឃើញនៅប្រាសាទតាព្រហ្ម

អត្ថបទថ្មី

Ralf Rangnick ទាត់ចោលសំណើ Bayern សុខចិត្តនៅបន្តដឹកនាំអូទ្រីស

ឆ្នាំមុនពឹងឈើច្រត់ ឆ្នាំនេះ យូប៊ីន ត្រៀមដើរកម្រលព្រំក្រហមទីក្រុងកានដោយភាពជឿជាក់

Toyota នឹងដំឡើងរថយន្ត Fortuner និងភីកអាប់ Hilux នៅកម្ពុជា ប្រមាណ ១៣២០គ្រឿងក្នុងឆ្នាំនេះ

ធនាគារ ABA ចាប់ដៃគូជាមួយ ក្រុមហ៊ុន ភីធីធី ខេមបូឌា ដើម្បីផ្តល់សេវាទូទាត់នវានុវត្តន៍

ចូលរួមអាហារពេលល្ងាចធម្មតាៗ តែរ៉ូប Taylor ពាក់ចូលរួមមានតម្លៃខ្ពស់មិននឹកស្មាន