ធ្លាយរឿង Neymar លួចពិភាក្សាជាមួយ Real Madrid មុនពិធី Ballon d'Or
- 2016-01-21 22:31:24
- ចំនួនមតិ 0 | ចំនួនចែករំលែក 0
ធ្លាយរឿង Neymar លួចពិភាក្សាជាមួយ Real Madrid មុនពិធី Ballon d'Or
ចន្លោះមិនឃើញ
Neymar តារាឆ្នើមក្រុម FC Barcelona បានលួចពិភាក្សាជាមួយគណៈប្រតិភូក្លិប Real Madrid ជាសម្ងាត់ អំឡុងពេលដែលរូបគេនៅប្រទេសស្វីស មុនចូលរួមពិធីប្រកាសពានរង្វាន់ FIFA Ballon d'Or 2015 កាលដើមសប្ដាហ៍មុន។ នេះបើតាមវិទ្យុអេស្ប៉ាញ Al primer toque។
ប្រធានក្រុមជម្រើសជាតិប្រេស៊ីល Neymar ពុំទាន់ចុះកុងត្រាថ្មីជាមួយ Barca នៅឡើយទេ ហើយកន្លងមកក៏ធ្លាប់មានពាក្យចចាមអារ៉ាមជាច្រើនថា រូបគេអាចនឹងចាកចេញទៅក្លិបផ្សេងៗទៀតផង។
ប៉ុន្តែថ្មីៗនេះ កម្មវិធីក្នុងវិទ្យុមួយ បានបង្ហើបឲ្យដឹងថា Neymar និងឪពុករបស់គេ ដែលដើរតួជាភ្នាក់ងារឲ្យកូនប្រុសនោះ បានលួចជួបប្រតិភូរបស់ក្លិប Real Madrid នៅទីក្រុង Zurich កាលថ្ងៃចន្ទសប្ដាហ៍មុន ដែលធ្វើឲ្យគេសង្ស័យថា អាចទាក់ទងនឹងការផ្ទេរទៅក្លិបស្ដេចស។
កីឡាករវ័យ២៣ឆ្នាំ ដែលទទួលបានចំណាត់ថ្នាក់លេខ៣ នៅ Ballon d'Or រូបនេះ ចង់បានថ្លៃឈ្នួលលើសមុនច្រើន សម្រាប់កុងត្រាថ្មីជាមួយក្លិបអ្នកមានបុណ្យ ប៉ុន្តែពុំទាន់ចរចាគ្នាត្រូវនៅឡើយទេ ខណៈដែល Real ក៏តែងតែចិញ្ចឹមចិត្តចង់នាំយកតារាជើងញាក់រូបនេះ ទៅកាន់កីឡដ្ឋាន Santiago Bernabeu ផងដែរ៕
-ចុចអាន៖ Neymar៖ “ខ្ញុំចង់មានជើងស្ដាំដូច Ronaldo និងជើងឆ្វេងដូច Messi”
ប្រែសម្រួល៖ វិន ជីវ័ន្ត ប្រភព៖ goal