បងប្អូនភ្លោះ កើតបានកូនភ្លោះដូចគ្នាទៀត
- 2016-02-24 21:53:26
- ចំនួនមតិ 0 | ចំនួនចែករំលែក 0
បងប្អូនភ្លោះ កើតបានកូនភ្លោះដូចគ្នាទៀត
ចន្លោះមិនឃើញ
បងប្អូនភ្លោះស្រីវ័យ៣៦ឆ្នាំ អ្នកស្រី Kelli Wall និងអ្នកស្រី Kerri Bunker រស់នៅទីក្រុង Orem រដ្ឋ Utah សហរដ្ឋអាមេរិក បានស្វាគមន៍កូនភ្លោះលើកទីពីរ ដូចគ្នានៅមន្ទីរពេទ្យ Timpanogos Regional ភាគខាងត្បូងក្រុង Salt Lake ក្នុងរយៈពេលតែប៉ុន្មានសប្ដាហ៍ពីគ្នាប៉ុណ្ណោះ។
កូនភ្លោះរបស់អ្នកស្រី Bunker កើតនៅថ្ងៃទី ១៣កុម្ភៈ ឆ្នាំ ២០១៦ ចំណែកកូនភ្លោះរបស់ អ្នកស្រី Wall កើតរយៈពេលបីសប្ដាហ៍ក្រោយ។ អ្នកស្រី Wall បានសម្រាលកូនលើកដំបូង និងជាភ្លោះស្រីកាល ៥ឆ្នាំមុន និងអ្នកស្រី Bunker សម្រាលបានកូនភ្លោះដែរនៅមួយឆ្នាំបន្ទាប់។
អ្នកស្រី Kelli Wall ប្រាប់ថា៖ "ពួកយើងជាគ្រូបង្រៀននៅសាលាជាមួយគ្នា ឯប្ដីរបស់យើងជាមិត្តភ័ក្ដិល្អនឹងគ្នាទៀត"។ អ្នកស្រី Bunker មានកូនចំនួន ៥នាក់ ដោយភ្លោះពីរដង និងកូនស្រីតែឯងម្នាក់។ ឯ អ្នកស្រី Wall មានកូនចំនួន ៤ ដោយភ្លោះដំបូងអាយុ ៥ឆ្នាំហើយ៕
ចុចអាន៖ កូនភ្លោះមួយគូ ក្លាយជាស្រីស្អាតជាងគេប្រចាំសាកលវិទ្យាល័យ
ចុចអាន៖ អត់ដល់១ឆ្នាំផង ស្ត្រីម្នាក់កើតបានកូនភ្លោះ ពីរគូ!
ប្រែសម្រួល៖ ឡេង ភារុណ ប្រភព៖ ABC