កម្មវិធីថ្មីពី Microsoft ថតរូបបានល្អជាង កម្មវិធីមានស្រាប់លើ iPhone

2016-07-28 18:14:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Microsoft ទើបបញ្ចេញកម្មវិធីថតរូបដ៏ឆ្លាតវៃមួយឈ្មោះថា Pix អាចថតរូបភាពបានស្អាតល្អជាងកម្មវិធីដើមដែលមាននៅលើ iPhone ស្រាប់ទៅទៀត។

បច្ចុប្បន្នកម្មវិធីនេះដាក់ឲ្យទាញយកឥតគិតថ្លៃពី App Store របស់ Apple ដោយកម្មវិធីនេះប្រើនូវបច្ចេកវិទ្យាឆ្លាតវៃអាចបង្កើនគុណភាពរូបភាពដោយស្វ័យប្រវត្តិ ពោលអ្នកប្រើប្រាស់មិនចាំបាច់ឈឺក្បាលនឹងការកំណត់ Setting ដូចកម្មវិធីថតរូបដទៃឡើយ។ អ្វីៗនឹងធ្វើឡើងដោយស្វ័យប្រវត្តិដូចជាគ្រប់គ្រងការកំណត់ Focus, Exposure, ពណ៌ និង Setting ដទៃទៀត។

រាល់ពេលដែលចុចលើប៊ូតុងថតរូប កម្មវិធីនឹងចាប់យករូបភាពដល់ទៅ ១០ ប្លង់ ដោយក្នុងចំណោម ១០ ប្លង់នេះ កម្មវិធីនឹងជ្រើសរូបភាព ៣ ប្លង់ស្អាតជាងគេឲ្យអ្នកជ្រើស។ ពេលអ្នកជ្រើសរួច កម្មវិធីនឹងលុបចោលដោយស្វ័យប្រវត្តិរូបភាព ៩ ប្លង់ផ្សេងទៀត ដែលអ្នកមិនពេញចិត្ត។

លើសពីនេះទៅទៀតប្រសិនបើកម្មវិធីយល់ថាមានកាយវិការណាមួយដែលសំខាន់ក្នុងរូបភាពរបស់អ្នក កម្មវិធីនឹងរក្សាទុករូបភាព Live (រូបមានចលនា) សម្រាប់អ្នកភ្លាម។

បញ្ជាក់៖ កម្មវិធីខាងលើដំឡើងបានតែនៅលើ iPhone 5s, iPhone 6, iPhone 6 Plus, iPhone 6s, iPhone 6s Plus, iPhone SE និងម៉ូដែល iPad ដែលដំណើរការលើប្រព័ន្ធប្រតិបត្តិការ iOS 9.0 ឡើងទៅ៕

ចង់សាកល្បងប្រើកម្មវិធី Pix អាចចុចលើរូបខាងក្រោម៖