ពុទ្ធោ! ពោះធំជិត៩ខែ តែគ្មានលុយសម្រាល ត្រូវបង្ខំចិត្តដើរលក់ទុរេន
- 2017-05-11 05:22:38
- ចំនួនមតិ 0 | ចំនួនចែករំលែក 0
ពុទ្ធោ! ពោះធំជិត៩ខែ តែគ្មានលុយសម្រាល ត្រូវបង្ខំចិត្តដើរលក់ទុរេន
ចន្លោះមិនឃើញ
បណ្ដើរកង់កញ្ចាស់មួយតាមបណ្ដោយផ្លូវរថភ្លើង ដោយផ្ទុកធូរេនទុំប្រមាណជាដប់ផ្លែ អ្នកស្រី កាន សុខណា បានពពាយនាយលក់ផ្លែទុរេនក្រោមអាកាសធាតុក្ដៅហែង ព្រមទាំងមានផ្ទៃពោះជិត៩ខែទៀតផង។
អ្នកស្រី បានរៀបរាប់ទាំងទឹកមុខហេវហត់ថា ដោយសារតែជីវភាពខ្វះខាត រកព្រឹកខ្វះល្ងាច ហើយត្រូវចិញ្ចឹមបីបាច់ឪពុកម្ដាយដែលចាស់ជរា ត្រូវរកលុយអោយកូនទៅរៀន និង ជាពិសេសដើម្បីសន្សំលុយទុកគ្រាន់សម្រាលកូនទី២នេះផងនោះ អ្នកស្រីត្រូវបង្ខំចិត្តតស៊ូដើរលក់ធូរេនទាំងកណ្ដាលថ្ងៃក្ដៅបែបនេះ។
ស្រីវ័យ២៦ឆ្នាំរូបនេះ បានបន្តថាផ្ទះរបស់អ្នកស្រីគឺស្ថិតនៅម្ដុំអង់តែនទួលគោក ប៉ុន្តែត្រូវបណ្ដើរកង់ដើរលក់នៅតាមផ្លូវរថភ្លើង និង តាមសួនក្ដាន់ពីរជាដើម ព្រោះតែអ្នកស្រីមិនអាចជិះកង់ ឬ ដើរបានឆ្ងាយនោះឡើយ។ អ្នកស្រីបានអោយដឹងថា ការលក់ធូរេននេះគឺចាប់ផ្ដើមបានជាងមួយខែហើយ ដោយក្នុងមួយថ្ងៃអាចលក់បានប្រមាណ២៥ គីឡូក្រាមដែរ ហើយចំណេញបាន៤ ទៅ ៥ម៉ឺនរៀល។ ប៉ុន្តែបើថ្ងៃណាភ្លៀង ឬ ប៉ះធូរេនខ្ចីវិញ គឺចំណេញបានតែ ២ ទៅ ៣ម៉ឺនរៀលប៉ុណ្ណោះ។
ចង់ដឹងថា ការតស៊ូក្នុងនាមជាម្ដាយមួយរូបរបស់អ្នកស្រី កាន សុខណាយ៉ាងណានោះ សូមទស្សនាបទសម្ភាសន៍ពិស្ដារជាមួយរូបគាត់ទាំងអស់គ្នា៖