ឈ្នះមេដាយមាស៤ឆ្នាំជាប់គ្នា សហព័ន្ធប៉េតង់អន្តរជាតិសម្រេចផ្ដល់ពានថ្នាក់លេខ១ដល់កម្ពុជា

2017-06-20 04:21:21
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡាប៊ូល និងប៉េតង់អន្តរជាតិបានសម្រេចផ្តល់ពានរង្វាន់ចំណាត់ថ្នាក់ល្អលេខ១ដល់ សហព័ន្ធកីឡាប៊ូល និងប៉េតង់កម្ពុជា បន្ទាប់ពីររយៈពេល៤ឆ្នាំកន្លងទៅនេះ អត្តពលិកកម្ពុជាដណ្តើមបានមេដាយមាសពិភពលោកទាំង៤ឆ្នាំ។

តាមសេចក្តីប្រកាសរបស់ក្រសួងអប់រំ យុវជន និងកីឡាបានបង្ហាញថា សហព័ន្ធកីឡាប៊ូល និងប៉េតង់អន្តរជាតិបានសម្រេចផ្តល់ពានរង្វាន់ចំណាត់ថ្នាក់លេខ១ដល់សហព័ន្ធប៊ូល និងប៉េតង់កម្ពុជាដោយសារកីឡាករ កីឡាការិនីប៊ូល និងប៉េតង់កម្ពុជាទទួលបានមេដាយមាសកម្រិតពិភពលោកជាបន្តបន្ទាប់ និងការដឹកនាំល្អរបស់សហព័ន្ធកម្ពុជាក្នុងការចូលរួមប្រកួតកម្រិតអន្តរជាតិ។ ដូច្នេះហើយទើបបានជា សហព័ន្ធកីឡាប៊ូល និងប៉េតង់អន្តរជាតិដល់សហព័ន្ធប៊ូល និងប៉េតង់អន្តរជាតិមើលឃើញថា កម្ពុជាសាងស្នាដៃ និងដឹកនាំបានល្អបំផុត។

តាមលិខិតរបស់ក្រសួងអប់រំបង្ហាញថា សហព័ន្ធប៉េតង់កម្ពុជានឹងបញ្ជូនកីឡាករ ឬក្រសួងអប់រំ យុវជន និងកីឡានឹងបញ្ជូនមន្ត្រីរបស់ខ្លួនទៅពានរង្វាន់ដ៏អស្ចារ្យមួយនេះនៅថ្ងៃទី១ ខែកក្កដា ក្នុងទីក្រុងម៉ាកសីយ៍ (Marsseille) ប្រទេសបារាំងក្នុងពិធីបិទការប្រកួតប្រចាំឆ្នាំនៅទីនោះ។

លទ្ធផលដ៏អស្ចារ្យសម្រាប់កម្ពុជាកន្លងមក អ្នកស្រី កែ ឡេង ឈ្នះមេដាយមាសពិភពលោកពីរដងគឺឆ្នាំ២០១៤ និង២០១៥។ កីឡាករ សុខ ចាន់មាន ឈ្នះមេដាយមាសពិភពលោកឆ្នាំ២០១៦ និងកីឡាការិនី អ៊ុក ស្រីមុំ ឈ្នះមេដាយមាសពិភពលោកឆ្នាំ២០១៧៕