Euro U-21៖ អាល្លឺម៉ង់ ប៉េណាល់ទី ទម្លាក់អង់គ្លេសឲ្យឈឺចាប់ម្ដងទៀត
- 2017-06-28 01:56:24
- ចំនួនមតិ 0 | ចំនួនចែករំលែក 0
Euro U-21៖ អាល្លឺម៉ង់ ប៉េណាល់ទី ទម្លាក់អង់គ្លេសឲ្យឈឺចាប់ម្ដងទៀត
ចន្លោះមិនឃើញ
ក្រុមជម្រើសជាតិ U-21របស់អាល្លឺម៉ង់បានឡើងទៅវគ្គផ្ដាច់ព្រ័ត្រ European Under-21 Championship ហើយ ក្រោយទម្លាក់ខ្លាកំណាចអង់គ្លេសដោយបាល់ប៉េណាល់ទី។
ក្រុមទាំងពីរធ្វើបានល្អដូចគ្នាទាំងពីរវគ្គ ដោយរកបានម្ខាង២គ្រាប់។ អាល្លឺម៉ង់ជាអ្នកបើកឆាករកគ្រាប់បាល់បានមុនដោយ Davie Selke នាទី៣៥ មុនពេលអង់គ្លេសតាមបាន២គ្រាប់វិញដោយកីឡាករ Demarai Grayនិង Tammy Abraham (នាទី៤១និង៥០)។ តែដល់នាទី៧០ ខាងឥន្ទ្រីដែកក៏តាមបានស្មើវិញ សម្រេចដោយកីឡាករ Felix Platte។
លទ្ធផល ២-២តាមបន្តរហូតដល់ចប់៩០នាទី ហើយពួកត្រូវលេងក្នុងម៉ោងបន្ថែម១៥នាទី២ដង។ យ៉ាងណាមិញក្នុងម៉ោងបន្ថែមក្នុងទាំងពីរនៅតែមិនអាចរកគ្រាប់បាល់បាន ដូច្នេះត្រូវឈានដល់បាល់ប៉េណាល់ទីកាត់សេចក្ដី។ ចុងក្រោយអាល្លឺម៉ង់បានយកឈ្នះអង់គ្លេស ៤-៣ បានបន្តទៅវគ្គផ្ដាច់ព្រ័ត្រជួបអេស្ប៉ាញ ដែលបានយកឈ្នះ អ៊ីតាលី ៣-១ ក្នុងការប្រកួតយប់ជាមួយគ្នា។
រំឭកថា មុនការប្រកួតលេង គ្រូអាល្លឺម៉ង់ធ្លាប់បោះពាក្យទៅកាន់ខាងអង់គ្លេសថា ក្រុមគេមិនបាច់ហាត់ប៉េណាល់ទី ក៏ឈ្នះដែល ព្រោះតាមអតីតក្រុមធំរបស់ អាល្លឺម៉ង់ធ្លាប់ទម្លាក់អង់គ្លេស២ដងហើយក្នុងពានធំៗ ឥលូវត្រូវដូចមាត់មែន៕