គណនី iTunes, iCloud និង Apple ID ចែកមិនដាច់មែន ចម្លើយនៅទីនេះ
- 2017-07-02 02:17:00
- ចំនួនមតិ 0 | ចំនួនចែករំលែក 0
គណនី iTunes, iCloud និង Apple ID ចែកមិនដាច់មែន ចម្លើយនៅទីនេះ
ចន្លោះមិនឃើញ
មានអ្នកប្រើប្រាស់ iPhone ជាច្រើន នៅបន្តមានចម្ងល់ក៏ដូចជាភាពភ័ន្តច្រឡំរវាងគណនី iTunes, iCloud និង Apple ID។ តាមពិតទៅគណនីទាំង ៣ គឺសុទ្ធសឹងតែដូចគ្នា ដោយវាត្រូវប្រើប្រាស់ការ Sign In នូវ Email និង Password (Apple ID) តែមួយ ផ្ទុយពីការគិតរបស់មនុស្សមួយចំនួន ដែលច្រឡំថាវាបង្កើតដាច់ដោយឡែកពីគ្នា។
#១.iTune
យើងប្រើបញ្ចូលគណនី iTunes ដើម្បីប្រើប្រាស់ធ្វើការទិញចម្រៀងដែល Apple បានដាក់លក់ក្នុងកម្មវិធី Music ដែលយើងធ្លាប់ឃើញជាញឹកញយ។
#២.iCloud
ចំណែកឯគណនី iCloud យើងបញ្ចូលក្នុងការប្រើប្រាស់ភ្ជាប់ជាមួយគេហទំព័រ iCloud.com ដែលសោតយ៉ាងមានមុខងារពិសេសៗដូចជា Pages, Number, Keynote និង Find My iPhone/iPad។ អ្វីដែលកាន់តែពិសេសគឺមុខងារ Photo Library ខណៈបើយើង Sign in គណនី iCloud មួយក្នុងទូរសព្ទ ២ ឧទាហរណ៍រវាងប្ដីនិងប្រពន្ធ នោះពួកគេនឹងបានឃើញរាល់រូបភាពទាំងអស់លើ iPhone របស់ដៃគូម្ខាងទៀត។ #៣.Apple ID
រីឯគណនី Apple ID ដូចដែលអ្នករាល់គ្នាបានដឹងស្រាប់ហើយ យើងប្រើសម្រាប់ទុកទាញយកកម្មវិធីពី App Store មិនថាកម្មវិធីនោះ ដាក់លក់ក្ដីឫឥតគិតថ្លៃក្ដី។ គ្រួសារភាគច្រើនទម្លាប់ប្រើមុខងារ Fmaily Sharing ព្រោះមុខងារនេះ រាល់ពេលដែលកូនរបស់អ្នក Download កម្មវិធីណាមួយពី App Store នោះវានឹងលោតជាសញ្ញាបញ្ជាក់មកកាន់ iPhone របស់ម្ដាយឪពុក ថាព្រមអនុញ្ញាតដែរឫទេ?
មុននឹងបង្កើតគណនី Apple ID អ្នកគួរធ្វើការបញ្ចូល Security Question និង Email ឱ្យបានត្រឹមត្រូវ ជៀសវាងថ្ងៃណាមួយគណនីនោះខូចឫមានគេលួច Hack នោះអ្នកនឹងមានដំណោះស្រាយក្នុងការទាញត្រឡប់មកវិញ៕
អានបន្ត៖
ចង់កែម៉ូតូ Cafe អត់ស្គាល់កន្លែងចាំ Sabay ប្រាប់ ៣ កន្លែងល្បីៗនៅភ្នំពេញ
Apple វ៉ា SAMSUNG ដាច់ផឹង ក្នុងទីផ្សារលក់ចេញនាឡិកាឆ្លាតវៃ
Samsung ថែមបច្ចេកវិទ្យាថ្មី ទាញម្ចាស់ iPhone ងាកមកប្រើ Galaxy