មិនធម្មតាទេ! តារាសម្ដែង-ក្រុមផលិត ២ប្រទេស រួមគ្នាផលិតរឿងភាគខ្មែរ
- 2017-07-12 02:59:04
- ចំនួនមតិ 0 | ចំនួនចែករំលែក 0
មិនធម្មតាទេ! តារាសម្ដែង-ក្រុមផលិត ២ប្រទេស រួមគ្នាផលិតរឿងភាគខ្មែរ
ចន្លោះមិនឃើញ
ម្សិលមិញស្ថានីយទូរទស្សន៍ PNN បានរៀបចំកម្មវិធីគម្រប់ខួប ២ឆ្នាំ របស់ខ្លួន និងបានប្រកាសអំពីរឿងភាគដំបូងដែលផលិតដោយក្រុមការងារ និងតារាសម្ដែង ខ្មែរ ថៃ។
កញ្ញា ទូច បុប្ផា ប្រធានក្រុមផលិតកម្មវិធីរបស់ PNN បានលើកឡើងថារឿងភាគខ្មែរដំបូងនេះមានចំណងជើងថា "ត្រីសូល៍" ដែលនិយាយអំពីស្នេហា៣គូ ដោយ២គូជាតារាខ្មែរ និង១គូទៀតជាតារាថៃ ហើយវាជាឱកាសមួយសម្រាប់តារាសម្ដែង និងផលិតករទាំង២ប្រទេសបានសិក្សាពីគ្នាទៅវិញទៅមកសម្រាប់ការផលិតផងដែរ។
“មកទល់ពេលនេះអ្វីៗគឺបានរៀបចំរួចរាល់អស់ហើយទាំងក្រុមការងារ ទីតាំងថត និងសាច់រឿងទាំងមូល ចាំតែក្រុងពាលីចេញថតតែប៉ុណ្ណាះ ហើយគោលដៅធំរបស់យើងគឺ ចង់ឲ្យក្រុមកាងារ PNN បានសិក្សាបន្ថែមពីក្រុមផលិតករថៃនៅពេលរឿងនេះចេញថត"។ កញ្ញា បន្ថែម។
តួអង្គសំខាន់ៗនៅក្នុងរឿងនេះមានដូចជា ខាត់ វៃហាំង ស៊ិន យ៉ូប៊ីន យឹម ណារ៉ា និង តារាថៃ កញ្ញា Mai និង លោក Peth។ សម្រាប់ Mai និង Peth គឺជាតារាថ្មី ហើយនេះគឺជារឿងទី១របស់ពួកគេ ហើយក៏ជាការបង្ហាញមុខលើកដំបូងដែរ អ្នកទាំង២បានមកដល់ កម្ពុជា មួយរយៈហើយ ពេលនេះសំងំហាត់សមសម្ដែង និង រៀនភាសាខ្មែរផងដែរ៕