បានមេដាយ២២គ្រឿង ធ្វើឱ្យកម្ពុជាជាប់លេខ៣ ក្នុងចំណោម៤៥ប្រទេស កីឡា វ៉ូវីណាមពិភពលោក
- 2017-08-07 04:28:19
- ចំនួនមតិ 0 | ចំនួនចែករំលែក 0
បានមេដាយ២២គ្រឿង ធ្វើឱ្យកម្ពុជាជាប់លេខ៣ ក្នុងចំណោម៤៥ប្រទេស កីឡា វ៉ូវីណាមពិភពលោក
ចន្លោះមិនឃើញ
ក្រុមកីឡាវ៉ូវីណាមកម្ពុជាបានត្រលប់មកមាតុភូមិវិញហើយ ដោយទទួលបានមេដាយសរុប២២គ្រឿង ក្នុងនោះមាស ៤គ្រឿង ប្រាក់៩គ្រឿង និងសំរិទ្ធ៩គ្រឿងពីការប្រកួតជ្រើសរើសជើងឯកកីឡាវ៉ូវីណាមពិភពលោកនៅទីក្រុងញ៉ូដេលី ប្រទេសឥណ្ឌា។
ក្រោយមកដល់អាកាសយានដ្ឋានអន្តរជាតិភ្នំពេញ ក្រុមកីឡាករ កីឡាការិនី ម្ចាស់មេដាយកីឡាវ៉ូវីណាម បានបង្ហាញចំណាប់អារម្មណ៍សប្បាយរីករាយ ចំពោះការទទួលបានជោគជ័យនៅលើឆាកអន្តរជាតិ។ ក្រុមកីឡាករ កីឡាការិនី បានបង្ហើបពីបញ្ហាមួយចំនួនក្នុងអំឡុងដំណើរចូលរួមប្រកួតនៅឥណ្ឌា គឺបញ្ហាអាកាសធាតុ និងម្ហូបអាហារ។ ទោះជាយ៉ាងណា កត្តាទាំងនេះមិនបានរារាំងពួកគេក្នុងការដណ្ដើមមេដាយជូនជាតិមាតុភូមិឡើយ។
មួយវិញទៀត ការបានមេដាយដល់២២គ្រឿងនេះ ក៏បានធ្វើឱ្យកម្ពុជាទទួលបានចំណាត់ថ្នាក់លេខ៣ផងដែរ ក្នុងចំណោមប្រទេសចូលរួមប្រកួតទាំង៤៥ប្រទេស ក្នុងការប្រកួតជ្រើសរើសជើងឯកកីឡាវ៉ូវីណាមពិភពលោកឆ្នាំនេះ៕