ណាហ្កាវើលបង្កើតកម្មវិធីច្រើនជំរុញទឹកចិត្តអត្តពលិកកម្ពុជាយកមេដាយមាសនៅស៊ីហ្គេម
- 2017-08-08 08:22:07
- ចំនួនមតិ 0 | ចំនួនចែករំលែក 0
ណាហ្កាវើលបង្កើតកម្មវិធីច្រើនជំរុញទឹកចិត្តអត្តពលិកកម្ពុជាយកមេដាយមាសនៅស៊ីហ្គេម
ចន្លោះមិនឃើញ
ចំពោះព្រឹត្តិការកីឡាស៊ីហ្គេម លើកទី២៩ ដែលនឹងធ្វើឡើងនៅប្រទេសម៉ាឡេស៊ីនាប៉ុន្មានថ្ងៃខាងមុខនេះសណ្ឋាគារណាហ្គាវើល នឹងផ្ដល់រង្វាន់លើកទឹកចិត្តដល់អត្តពលិកដែលបានមេដាយមាស ចំនួន ៣០០០$ សម្រាប់ឯកត្តជន និង៥០០០$ ប្រភេទកីឡាជាក្រុម និងសម្ភារសម្រាប់ចេញទៅប្រកួតមួយចំនួនទៀត។
លោក Per Chen នាយប្រតិបត្តិក្រុមហ៊ុនណាហ្គាវើល បានឲ្យដឹងក្នុងពិធីបង្ហាញឈុតកីឡាសម្រាប់អត្តពលិកប្រើនៅស៊ីហ្គេមឯប្រទេសម៉ាឡេស៊ីព្រឹកមិញនេះថា ក្រុមហ៊ុនរបស់លោកឧបត្ថម្ភដល់កម្ពុជាក្នុងព្រឹត្តិការធំៗជាច្រើនចាប់តាំងពីឆ្នាំ ២០១១ មកម្ល៉េះ។ ណាហ្គាវើល ពិតជាមានមោទនភាពដែលបានក្លាយជាក្រុមហ៊ុនឧបត្ថម្ភ និងគាំទ្រដល់ NOCC ក៏ដូចជាក្រុមកីឡាទាំងមូលក្នុងការប្រកួតស៊ីហ្គេមនៅប្រទេសម៉ាឡេស៊ីនេះ។ ចំពោះសម្ភារដែល ឧបត្ថម្ភដល់អត្តពលិក មន្ត្រីដឹកនាំ និងគ្រូបង្វឹកចេញទៅនេះរួមមាន អាវយឺត អាវយឺតប៉ូឡូ អាវក្រៅ ខោកីឡាខ្លី ខោកីឡាវែង និងកាតាបជាដើម។
ឯកឧត្ដម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិក បានឲ្យដឹងថា លោកសូមថ្លែងអំណរគុណដល់ក្រុមហ៊ុនណាហ្គាវើលដែលតែងតែយកចិត្តទុកដាក់ និងជួយគាំទ្រក៏ដូចជាឧបត្ថម្ភរាល់ចលនាកីឡារបស់កម្ពុជា និងជាពិសេសការចេញទៅស៊ីហ្គេមនេះ។ កម្មវិធីនេះជាការជួបជុំរបស់អត្តពលិកចុងក្រោយហើយ ដែលរៀបចំដោយ NOCC។ NOCC និងណាហ្គាវើល រួមបង្កើតកម្មវិធីទាំងនេះដើម្បីជំរុញទឹកចិត្តកីឡាករ កីឡាការិនីកម្ពុជាឲ្យខំប្រឹងបន្ថែមទៀតក្នុងការដណ្ដើមយកមេដាយមាសឲ្យបាន ព្រោះនាពេលបច្ចុប្បន្ននេះកម្ពុជាទទួលបានលទ្ធផលល្អច្រើនមកហើយ ដូចជាបានមេដាយប្រាក់ឬ សំរឹទ្ធ ជាដើមដូច្នេះត្រូវខំប្រឹងថែមទៀតក្នុងការយកមេដាយមាស។
កម្មវិធីជួបជុំ និងបង្ហាញឯកសណ្ឋានសម្រាប់អត្តពលិកប្រើក្នុងស៊ីហ្គេម លើកទី២៩នៅប្រទេសម៉ាឡេស៊ីខាងមុខនេះនេះ ធ្វើឡើងនៅផ្សារទំនើបក្រោមដីសណ្ឋាគារណាហ្គាវើលស៊ីធីវ៉ក កាលពីព្រឹកថ្ងៃទី៨ ខែសីហា ឆ្នាំ២០១៧នេះ៕