ឌុយបៃ នឹងប្រើ Drone រត់តាក់ស៊ីលើអាកាសចុងឆ្នាំនេះ តម្លៃថោកស្មានមិនដល់
- 2017-09-02 02:46:13
- ចំនួនមតិ 0 | ចំនួនចែករំលែក 0
ឌុយបៃ នឹងប្រើ Drone រត់តាក់ស៊ីលើអាកាសចុងឆ្នាំនេះ តម្លៃថោកស្មានមិនដល់
ចន្លោះមិនឃើញ
ទីក្រុងឌុយបៃកំពុងប្រណាំងប្រជែង ដើម្បីក្លាយជា ប្រទេសទីមួយលើលោកនឹងបើកបម្រើសេវាកម្មតាក់ស៊ីលើអាកាសនៅចុងឆ្នាំនេះ ដោយប្រើ Droneដឹកអ្នកដំណើរ ដើម្បីបញ្ចៀសការកកស្ទះចរាចរណ៍ក្នុងទីក្រុង។ នេះបើតាមការចុះផ្សាយរបស់ BBC កាលពីម្សិលមិញ។
ប្រទេសអារ៉ាប់រួម ដែលទើបបោះទុនវិនិយោគជាមួយក្រុមហ៊ុនធំៗដូចជាអាឡឺម៉ង់ បារាំង និង ចិន ជាដើម ដែលគិតជាទឹកប្រាក់ប្រមាណ៣០លានដុល្លារ នឹងធ្វើការសាកល្បងយន្តហោះគ្មានមនុស្សបើក (Drone) ដើម្បីប្រើប្រាស់ជាតាក់ស៊ីនៅឌុយបៃ នៅចុងឆ្នាំ២០១៧ រត់លើគន្លងចំនួន១៨ខ្សែ។ យន្តហោះ Volocopter របស់អាឡឺម៉ង់អាចផ្ទុកអ្នកដំណើរបាន២នាក់ City Airbus របស់បារាំង ដែលមានរាងដូចឡានបន្តិច ដូចថាសហោះបន្តិច ដាក់មនុស្សបានដល់ទៅ៦នាក់ ខណៈដ្រូន Ehang របស់ចិនបានតែមនុស្សម្នាក់ប៉ុណ្ណោះ។
Drone ខ្នាតយក្សនេះ មានល្បឿនអតិបរមា ១០០ គីឡូម៉ែត្រក្នុងមួយម៉ោង ហោះហើរបាន៣០នាទី រាល់ការសាកថ្មមួយលើកៗ និងដើម្បីសុវត្ថិភាព យន្តហោះតាក់ស៊ីនេះ បានប្រើប្រព័ន្ធថ្ម៩គ្រាប់ផ្សេងទៀតដើរដោយស្វ័យប្រវត្តិ ក្នុងករណីថ្មយន្តហោះណាមួយមិនដំណើរការ។
ចំពោះតម្លៃសម្រាប់ជិះតាក់ស៊ីលើអាកាសនេះវិញ មិនខុសគ្នាប៉ុន្មាននឹងការជិះឡានឈ្នួល លើដីនោះទេ។ នេះបើតាមលោក Mark Moore ជាប្រធានផ្នែកបច្ចេកវិទ្យារបស់ Uber ក្រុមហ៊ុនដ៏ធំមួយរបស់អាមេរិក បាននិយាយ៕