សូម្បីតែ Cara Delevingne ក៏ធ្លាប់ត្រូវផលិតកររូបនេះធ្វើបាបដែរដល់ថ្នាក់បង្ខំឲ្យធ្វើរឿងនេះ

2017-10-12 02:56:14
ចំនួនមតិ 0 | ចំនួនចែករំលែក 0

ចន្លោះមិនឃើញ

Cara Delevingne គឺជាតារាចុងក្រោយបង្អស់គិតត្រឹមពេលនេះដែលបាន ចេញមុខបកអាក្រាតអំពើបៀតបៀនផ្លូវភេទរបស់ផលិតករ Harvey Weinstein ដែលចង់រួមភេទជាមួយនាងនិងនារីម្នាក់ទៀត (Threesome)។

នាងបានបង្ហោះសេចក្ដីថ្លែងការរបស់នាង នៅលើបណ្ដាញសង្គម Instagram ដែលទាក់ទងនឹងហេតុការណ៍កើតឡើង។ នាងបាននិយាយថា ខណៈពេលនាងកំពុងធ្វើការជាមួយលោក Weinstein ពេលមួយបន្ទាប់បានជួបប្រជុំជាមួយគ្នា លោកបានតម្រូវឲ្យនាងតាមលោកទៅបន្ទប់ខ្លួន ដែលពេលនោះមានមនុស្សស្រីម្នាក់នៅទីនោះរួចទៅហើយ។

សារលើ Instagram ដែលនាងបានបង្ហោះ

បន្ទាប់មក Weinstein ប្រាប់ឲ្យនាងនិងនារីម្នាក់នោះថើបគ្នា ប៉ុន្ដែ Cara មិនចង់ថើបតាមតម្រូវការរបស់ Weinstein ហើយព្យាយាមរត់គេចចេញក្រៅ។ ពេលនោះផលិតករនោះព្យាយាមថើបមាត់នាងខណៈដែលនាងព្យាយាមរតគេចទៅកាន់ទ្វាចេញ។

តារាវ័យ ២៥ ឆ្នាំរូបនេះនិយាយថា នាងនៅតែបានសម្ដែងជាតួឯកក្នុងរឿងនោះ ប៉ុន្ដែនាងមានអារម្មណ៍មិនល្អចំពោះវាចាប់ពីពេលនោះមក។ Cara បានសម្ដែង២រឿងឲ្យក្រុមហ៊ុន Weinstein Company ដែលក្នុងនោះមានរឿងដែលធ្វើឲ្យនាងល្បីឈ្មោះ "Paper Towns” ឆ្នាំ ២០១៥ និងរឿងថ្មីដែលទើបនឹងបញ្ចេញ "Tulip Fever”៕