Telegram ត្រូវតុលាការរុស្ស៊ីពិន័យអស់ ១៤ ០០០ ដុល្លារ ពេលដឹងរឿងហួសចិត្ត!
- 2017-10-17 11:53:00
- ចំនួនមតិ 0 | ចំនួនចែករំលែក 0
Telegram ត្រូវតុលាការរុស្ស៊ីពិន័យអស់ ១៤ ០០០ ដុល្លារ ពេលដឹងរឿងហួសចិត្ត!
ចន្លោះមិនឃើញ
តុលាការរុស្ស៊ីកាលពីថ្ងៃចន្ទបានពិន័យកម្មវិធីផ្ញើសារ Telegram ចំពោះការមិនផ្តល់សិទ្ធិឱ្យសេវាកម្មសន្តិសុខរបស់ប្រទេសដើម្បីចូលមើលទិន្នន័របស់អ្នកប្រើប្រាស់។
ទីភ្នាក់ងារព័ត៌មានរបស់រដ្ឋ TASS រាយការណ៍ថា តុលាការក្រុងម៉ូស្គូបានដាក់ពិន័យជាទឹកប្រាក់ប្រហែល ១៤ ០០០ ដុល្លារក្រោយក្រុមហ៊ុន Telegram មិនបានផ្តល់សិទ្ធិទៅឱ្យទីភ្នាក់ងារអនុវត្តច្បាប់ផ្នែកអ៊ីនធិណិតពីទិន្នន័យអ្នកប្រើប្រាស់ និងការផ្ញើសាររបស់ពួកគេ។
ស្ថាបនិកកម្មវិធីដ៏ពេញនិយម Telegram វ័យ ៣៣ ឆ្នាំជនជាតិរុស្ស៊ីលោក Pavel Durov ដែលបាននិរទេសខ្លួនឯងនិយាយកាលពីខែកញ្ញាថា៖ ទីភ្នាក់ងារសន្តិសុខដ៏សំខាន់របស់រុស្ស៊ីហៅកាត់ថាFSB បានទាមទារចូលដំណើរការទិន្នន័យក្នុងកម្មវិធី Telegram។ បន្ទាប់ពីក្រុមហ៊ុនមិនផ្តល់សិទ្ធិឱ្យចូលដំណើរការ FSB ក៏ដាក់ពាក្យបណ្តឹងផ្លូវការ ។
Durov បានសរសេរក្នុងបណ្តាញសង្គម VK ដែលជាសមិទ្ធផលបង្កើតឡើងដំបូង (២០០៦) បន្ទាប់ពី Telegram កាលពីថ្ងៃចន្ទថា ការទាមទាររបស់ FSB ពិតជាមិនអាចអនុវត្តតាមលក្ខណៈបច្ចេកទេសបាននោះទេ ហើយជាការបំពានលើរដ្ឋធម្មនុញ្ញរុស្ស៊ីដែលផ្តល់សិទ្ធិឱ្យពលរដ្ឋនូវការឆ្លើយឆ្លងគ្នាជាឯកជន។
ពាក់ព័ន្ធនឹងបញ្ហានេះក្រុមហ៊ុន Telegram មានរយៈ ១០ ថ្ងៃដើម្បីឡើងទៅតុលាការឧទ្ធរណ៍ហើយបើសិនជារឿងក្តីចាញ់ក្រុមហ៊ុននឹងត្រូវបានទុកឱកាសឱ្យប្រគល់សិទ្ធិឱ្យ FSB ដើម្បីដោះកូដមុនពេលកម្មវិធី Telegram អាចនឹងត្រូវបានបិទក្នុងប្រទេសរុស្ស៊ីដាច់ខាត។
កម្មវិធីផ្ញើសារភ្លាមៗដោយមិនគិតថ្លៃដែលអនុញ្ញាតឱ្យអ្នកប្រើប្រាស់ផ្ញើសារ រូបថត និងវីឌីអូក្នុងក្រុមរហូតដល់ ៥ ០០០ នាក់មានអ្នកប្រើប្រាស់ប្រហែល ១០០ លាននាក់ហើយចាប់តាំងពីបង្កើតឡើងតាំងពីឆ្នាំ ២០១៣ មក៕
ចុចអានបន្ត៖