សុនខរបស់ Siwon ខាំថៅកែភោជនីយដ្ឋានម្នាក់ស្លាប់

2017-10-21 23:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ករណីស្មានមិនដល់មួយបានកើតឡើងកាលពីទី ២០ខែ តុលាម្សិលមិញ ដែលបង្កជាការភ្ញាក់ផ្អើលពេញសារព័ត៌មានកូរ៉េ ក្រោយពេលសុនខរបស់ Siwon តារាចម្រៀងប្រចាំក្រុម Super Junior ខាំមនុស្សរហូតស្លាប់។

តាមសេចក្ដីរាយការណ៍ព័ត៌មាន បានឲ្យដឹងថា អ្នកស្រី Kim ដែលមានអាយុ ៥៣ឆ្នាំ បានត្រូវឆ្កែបារាំង ពូជ Bulldog ខាំ នៅក្នុងអាគារស្នាក់នៅ (Apartment)។ ជាអកុសល ៤ថ្ងៃក្រោយ ស្ត្រីរូបនេះក៏បានទទួលមរណភាព ដោយសារមេរោគជ្រាបចូលក្នុងឈាម។

ទាក់ទងនឹងរឿងរ៉ាវនេះ ខាងគ្រួសាររបស់តារាចម្រៀង Choi Siwon ក៏បានចេញមុខទទួលស្គាល់ដែរថា សុនខនោះជារបស់ខ្លួន។ ជាមួយគ្នានោះកាលពីថ្ងៃទី ២១ ខែតុលា ប្អូនស្រីរបស់ Siwon បានបង្ហោះសារសុំទោសដ៏វែងមួយលើគណនី Instagram របស់នាង។ សារនោះផងដែរ ក៏ជាលិខិតសុំទោសដោយផ្ទាល់របស់ឪពុករបស់នាងលោក Choi Ki Ho ដោយមានសេចក្ដីថា៖

“វាជាការពិតដែលអ្នកជិតខាងម្នាក់បានរងគ្រោះ ដោយសារសុនខចិញ្ចឹមរបស់យើងខាំ ខណៈទ្វារផ្ទះរបស់យើងចំហ នាពេលនោះ ហើយក្រោយមកគាត់ (អ្នកស្រី Kim) ក៏បានលាចាកលោក ដោយសារមេរោគចូលក្នុងឈាម។ ទោះជាយ៉ាងណាក៏ដោយ យើងបានឮថា ក្រោយការស៊ើបអង្កេតបន្ថែមករណីនេះអាចទាក់ទងនឹងការឆ្លងមេរោគ ឫមានបញ្ហាកើតឡើង អំឡុងពេលនៃការព្យាបាល ដូចនេះ វានៅតែជាបញ្ហាក្នុងការកំណត់មូលហេតុពិតប្រាកដ ដែលឈានដល់ការស្លាប់”។

ផ្អែកតាមការបញ្ជាក់របស់លោក Choi បានអះអាងថា គ្រួសាររបស់លោកនឹង ទៅគោរពគ្រួសាររបស់អ្នកស្រី Kim ដោយស្មោះអស់ពីចិត្ត និងធ្វើការសុំទោសចំពោះរឿងរ៉ាវដែលបានកើតឡើងនេះ។ ឪពុកតារាចម្រៀងមកពីក្រុម Super Junior ក៏បានបន្ថែមទៀតថា៖ "ពួកយើងមានការព្រួយបារម្ភណាស់ ចំពោះព័ត៌មានខ្លះដែលលើកឡើងខុសពីការពិត ដែលអាចធ្វើឲ្យគ្រួសារ អ្នកស្រី Kim រឹតតែមានការឈឺចាប់។ ពួកយើង សុំសំណូមពរ សូមកុំបង្កឲ្យរឿងរ៉ាវនេះ កាន់តែវែងឆ្ងាយ។ ម្យ៉ាងវិញទៀត ពួកយើង នឹងមើលការខុសត្រូវសុនខរបស់យើងឲ្យបានល្អបំផុត និងមិនឲ្យមានរឿងអាក្រកបែបនេះកើតឡើងម្ដងទៀតនោះទេ”។

សារបង្ហោះលើគណនី Twitter របស់ Siwon

ចំំណែក តារាប្រុស Siwon វិញក៏បានបង្ហោះសារសុំទោសជាសាធារណៈ លើគណនី Twitter របស់លោកដែរ។ ក្នុងសារនោះ លោកបានធ្វើការគោរពសុំទោសចំពោះគ្រួសារនៃសព ចំពោះការបាត់បង់មនុស្សជាទីស្រឡាញ់ក្នុងមួយពព្រិចភ្នែក។ ជាមួយគ្នានោះ លោកក៏បានប្ដេជ្ញា មើលខុសត្រូវសត្វចិញ្ចឹមរបស់ខ្លួន ប្រកបដោយការប្រុងប្រយ័ត្ន និងមិនបណ្ដោយឲ្យរឿងនេះ កើតឡើងទៀតឡើយ។

សូមជម្រាបផងដែរថា លោកស្រី Kim ដែលបានទទួលមរណភាពនេះ ត្រូវបានស្គាល់ថាជាម្ចាស់ភោជនីយដ្ឋានលំដាប់ដ៏ល្បី បែបប្រពៃណីមួយដែរនៅប្រទេសកូរ៉េ៕

អត្ថបទ៖ យី សុធារី

អត្ថបទពេញនិយម

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

ដឹងហើយ អ្នកនៅពីក្រោយនៃការអភិវឌ្ឍប្រឡាយបេតុងក្នុងវាលស្រែដ៏ស្រស់ស្អាត ដែលកំពុងល្បីលើបណ្តាញសង្គម

វត្ដមានរោងចក្រផ្គុំ និងដំឡើងរថយន្តតូយ៉ូតា ប្ដេជ្ញាអភិវឌ្ឍសេដ្ឋកិច្ច និងធនធានមនុស្សនៅកម្ពុជា

ឆ្នាំមុនពឹងឈើច្រត់ ឆ្នាំនេះ យូប៊ីន ត្រៀមដើរកម្រលព្រំក្រហមទីក្រុងកានដោយភាពជឿជាក់

បង្ហាញមុខប្រធានសមាគមសិល្បករខ្មែរទាំង ៦ អាណត្តិ

Toyota នឹងដំឡើងរថយន្ត Fortuner និងភីកអាប់ Hilux នៅកម្ពុជា ប្រមាណ ១៣២០គ្រឿងក្នុងឆ្នាំនេះ

អត្ថបទថ្មី

និស្សិត យឹម ច័ន្ទយ៉ានីត ចេង សុធីតា បានស្រាយចម្ងល់ខ្លួនជាច្រើនបន្ទាប់ពីសិក្ខាសាលារបស់ CamEd ដែលមានមន្ត្រីជំនាញពន្ធដារ

ការពិតទាំង 10 យ៉ាងពីភីកអាប់អគ្គិសនី Tesla Cybertruck

កីឡាករក្រសួងមហាផ្ទៃ៣រូបចូលជំរុំហ្វឹកហាត់ជម្រើសជាតិ U20 និងជម្រើសជាតិឈុតធំ

ពិតជាខែដ៏អស្ចារ្យសម្រាប់ក្រុមហ៊ុន MG Cambodia ជាមួយការលក់ចេញជិត 150គ្រឿង ក្នុង ខែមេសា

ម៉ាស៊ីន I4 ម៉ាស៊ីន V6 V8 ស្គាល់ហើយ! តែដឹងអត់ វាក៏មានម៉ាស៊ីនរាងអក្សរ U X និង W ដែរ

អាស៊ានមានសាកលវិទ្យាល័យ ២ ដែលជាប់ក្នុងចំណាត់ថ្នាក់សាលាកំពូលទាំង ១០ នៅអាស៊ី