គូស្នេហ៍តារាថៃប្រកាសដំណឹងរៀបការឆាប់ៗនេះ ក្រោយស្រឡាញ់គ្នារាប់ឆ្នាំ

2017-12-01 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាមួយចំនួនទាក់ទងស្រឡាញ់គ្នាអស់រយៈពេលជាយូរ ប៉ុន្តែមិនឮសូរដំណឹងរៀបការសោះ ជាហេតុធ្វើឲ្យអ្នកគាំទ្រភាគច្រើនចង់ដឹងយ៉ាងអន្ទះសា រង់ចាំព័ត៌មានល្អពីតារាសំណព្វចិត្តរបស់ខ្លួន។

ទីបំផុត ពេលនេះដំណឹងល្អបានមកដល់ហើយ គឺតារាប្រុសស្រីថៃ ដែលត្រូវជាគូស្នេហ៍នឹងគ្នារាប់ឆ្នាំនេះ បានសម្រេចចិត្តកាន់ដៃគ្នាចូលរោងមង្គលជ័យហើយ នៅឆ្នាំក្រោយ៕ អ្នកទាំងនោះរួមមាន៖

១. តារាសម្ដែង Boy Peachmaker និង Jeab Pijittra

គូស្នេហ៍១នេះ បានទាក់ទងគ្នាអស់រយៈពេលជាយូរ ប៉ុន្តែពួកគេមិនដែលបង្ហើបពីគម្រោងរៀបការម្ដងណាឡើយ។ ទើបតែពេលនេះ ដំណឹងល្អដែលអ្នកគាំទ្រចង់ឮនោះ គឺ Boy និង Jeab នឹងរៀបការជាមួយគ្នា នៅចុងឆ្នាំក្រោយនេះហើយ។

២. តារាសម្ដែង Gun Guntathavorn និង Ploy

មិនខុសពី Boy និង Jeab ទេ សម្រាប់តារាប្រុសស្រីគូនេះវិញ ក៏មានគម្រោងភ្ជាប់ចំណងអាពាហ៍ពិពាហ៍ជាមួួគ្នានៅចុងឆ្នាំ ២០១៨ ដែរ។

៣. Dj Push និងតារាស្រី Jooy Warattaya

ថ្វីត្បិតខាងស្រីមានអាយុច្រើនជាងខាងប្រុស ប៉ុន្តែពួកគេស្រឡាញ់គ្នាស្មោះស្ម័គ្រណាស់ ព្រមទាំង លេចដំណឹងថាគូស្នេហ៍នេះនឹងរៀបការជាមួយគ្នានៅខែវិច្ឆិកា ឆ្នាំ ២០១៨។ ជាងនេះទៅទៀត អ្នកទាំង ២ បានរៀបគម្រោងជាស្រេច ថានឹងយកបុត្រ ឲ្យបានលឿនតាមដែលអាចធ្វើទៅបាន ក្រោយរៀបការ។

៤. លោក M OIC និងតារាសម្ដែង Sara Legge

និយាយពីគូស្នេហា១នេះវិញ បានភ្ជាប់ទំនាក់ទំនងគ្នា អស់រយៈពេល ១៣ឆ្នាំទៅហើយ ប៉ុន្តែរំលងពី ១ឆ្នាំ ទៅ ១ឆ្នាំ ពួកគេមិនបង្ហើបពីគម្រោងចូលរោងការសោះ។ ប៉ុន្តែថ្មីៗនេះ មិត្តប្រុសបណ្ដូលចិត្តរបស់ Sara បានសុំនាងរៀបការ នៅខេត្តឈៀងម៉ៃ ដូចនេះពួកគេក៏នឹងមានគម្រោងរៀបការនៅឆ្នាំក្រោយដែរ៕

ប្រភព៖ thaistarnews ប្រែសម្រួល៖ យី សុធារី