វិឡាកណ្ដាលក្រុង តម្លៃជិត១លានដុល្លារ ទើបបើកផ្លូវការសោះ លក់ជិតអស់ទៅហើយ

2018-09-21 07:06:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់លំនៅឋានដំបូងៗមានទឹកមុខរំភើបរីករាយ ក្រោយបានចូលមករស់នៅក្នុងផ្ទះវិឡារបស់គម្រោង Residence90 (R90) ស្ថិតនៅផ្នែកខាងជើងក្នុងទីក្រុង Phnom Penh City Center (PPCC) ដែលទើបបញ្ចប់ជាស្ថាពរក្នុងពេលថ្មីៗនេះ។ ក្នុងនោះ ក្រុមហ៊ុនបានប្រកាសថា វិឡាដែលមានតម្លៃពី ៦០ ទៅ ៧០ ម៉ឺនដុល្លាររនេះបានលក់ជិតអស់ទៅហើយ។

លោកស្រី Michelle Lau នាយកប្រតិបត្តិក្រុមហ៊ុន PPCC បានឲ្យដឹងថា ផ្ទះវិឡាចំនួន ៨៧ ខ្នងនេះ មានបំពាក់នូវបច្ចេកវិទ្យាចុងក្រោយ ផ្ដល់នូវផាសុកភាព និងសេវាការពារសន្តិសុខយ៉ាងម៉ត់ចត់ រួមជាមួយទេសភាពស្អាត ទីធ្លាធំទូលាយ អាងហែលទឹក និងក្លឹបហាត់ប្រាណទៀតផង។

លោកស្រី បន្ថែមថា៖ "យើងខ្ញុំមានកិតិ្តយសណាស់ ដែលបានស្វាគមន៍ម្ចាស់លំនៅឋានដំបូងៗរបស់គម្រោង R90 មករស់នៅក្នុងមជ្ឈដ្ឋានដែលមានសុវត្ថិភាព និងមានពណ៌បៃតង ដែលក្រុមហ៊ុនយើងខ្ញុំបានកសាងឡើង។ នេះជាគម្រោងអភិវឌ្ឍន៍ពិសេសពិតៗ ដែលស្ថិតនៅចំកណ្ដាលរាជធានីភ្នំពេញ ហើយជាគម្រោងមួយផ្នែករបស់ PPCC ដែលបន្តលូតលាស់ឥតឈប់ឈរ។ ដូច្នេះចំពោះអ្នកដែលមានចំណាប់អារម្មណ៍ ខ្ញុំសូមជំរុញឲ្យរួសរាន់ក្នុងការទាក់ទងមកកាន់យើងខ្ញុំ"។

ផ្ទះវិឡាទាំងនេះស្ថិតនៅជិតគម្រោង Eden Garden ដែលជាទីតាំងកម្សាន្តដ៏ពេញនិយមរបស់ Phnom Penh City Center ដោយមានភោជនីយដ្ឋាន ហាងកាហ្វេ ហាងទំនិញ រោងភាពយន្ត និងក្លឹបរាត្រី ដែលធ្វើឲ្យជីវិតម្ចាស់លំនៅឋានកាន់តែរីករាយ និងងាយស្រួលថែមមួយកម្រិតទៀត។

ទន្ទឹមនឹងនេះ សាលា Singapore Cambodia International Academy (SCIA) ក៏កំពុងដំណើរការក្នុងគម្រោងនេះដែរ ដូច្នេះអ្នកមិនបាច់បារម្ភទៀតឡើយ ក្នុងការផ្ដល់នូវការអប់រំដែលមានគុណភាពតាមស្តង់ដារអន្តរជាតិដល់កូនៗ។

វិឡាទាំងអស់សុទ្ធតែបំពាក់ដោយបច្ចេកវិទ្យាពេញលេញ ដើម្បីធានាថា ការរស់នៅបែបឌីជីថល របស់ប្រជាជនខ្មែរចាកផុតពីបញ្ហាតានតឹងតប់ប្រមល់។ ក្រៅពីនេះ ផ្ទះវិឡា ក៏មានបំពាក់នូវគ្រឿងសុវត្ថិភាពឈានមុខគេ រាប់បញ្ចូលទាំងមុខងារស្គែនម្រាមដៃ កាមេរ៉ាសុវត្ថិភាព និងវីដេអូឆ្លើយឆ្លង (Video intercoms។ សម្រាប់ព័ត៌មានបន្ថែម សូមទាក់ទងមកកាន់៖ ០៧៨ ៨៨៨ ៨២៩/ ០៦៩ ៥០១ ៦១៦/០៧៧ ៦៧៨ ៕