ក្រុមបាល់ទះជម្រើសជាតិបារាំង ឈ្នះមេដាយមាស ក្រោយបំបាក់ជប៉ុន ៣-១ សិតនៅពានរង្វាន់ VNL
- 2024-07-01 05:33:00
- ចំនួនមតិ 0 | ចំនួនចែករំលែក 0
ក្រុមបាល់ទះជម្រើសជាតិបារាំង ឈ្នះមេដាយមាស ក្រោយបំបាក់ជប៉ុន ៣-១ សិតនៅពានរង្វាន់ VNL
ចន្លោះមិនឃើញ
ក្រុមបាល់ទះជម្រើសជាតិបារាំងផ្នែកបុរស បានយកឈ្នះក្រុមបាល់ទះជម្រើសជាតិជប៉ុននៅវគ្គផ្ដាច់ព្រ័ត្រពានរង្វាន់ Volleyball Nations League ឆ្នាំ២០២៤ នៅទីក្រុង Lodz ប្រទេសប៉ូឡូញ កាលពីយប់ម៉ោង២ រំលងអាធ្រាតថ្ងៃទី១ ខែកក្ដដាក្ដាប់បានមេដាយមាសជាថ្មី។
ក្នុងជំនួបដ៏ស្វិតស្វាញក្រោមក្រសែភ្នែកអ្នកទស្សនាផ្ទាល់ជាង១ម៉ឺននាក់បានអូសបន្លាយដល់ទៅ៤សិតដោយសិតទី១ ក្រុមជម្រើសជាតិបារាំងបានយកឈ្នះជប៉ុន ២៥ - ២៣ ពិន្ទុ។ សិតទី២បារាំងចាញ់ជប៉ុន ២៥-១៨ពិន្ទុ។ សិតទី៣ បាំរាំងឈ្នះជប៉ុន២៥-២៣ពិន្ទុ និងសិតទី៤បារាំងឈ្នះ២៥-២៣ពិន្ទុ។
ក្រុមជម្រើសជាតិបារាំង បានឈ្នះមេដាយមាសជាថ្មីម្ដងទៀត ក្រោយធ្លាប់ឈ្នះមេដាយមាសដំបូងក្នុងឆ្នាំ២០២២ មេដាយប្រាក់ក្នុងឆ្នាំ២០១៨ និងមេដាយសំរឹទ្ធឆ្នាំ២០២១ នៃព្រឹត្តិការណ៍មួយនេះ។ ការឈ្នះមេដាយមានជាថ្មីនេះ បានរុញឱ្យក្រុមបាល់ទះជម្រើសជាតិបារាំងផ្នែកបុរសឡើងទៅចំណាត់ថ្នាក់លេខ៤នៅលើពិភពលោកមាន៣៤៤ពិន្ទុ។
ដោយឡែកជប៉ុនជាក្រុមខ្លាំងឈរចំណាត់ថ្នាក់លេខ២ នៅលើពិភពលោក ចំណែកក្រុមលេខ១លើលោក ប៉ូឡូញ ឈ្នះមេដាយសំរឹទ្ធក្រោយឈ្នះស្លូវេនី ៣ សិតទល់នឹងសូន្យ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
