សហព័ន្ធកីឡាបេស្បលកម្ពុជា នឹងរៀបចំការប្រកួតលីគ (BASEBALL5) លើកទី១ នៅចុងខែសីហា ឆ្នាំ២០២៤

2024-07-01 04:36:28
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡាបេស្បល និងសុហ្វបលកម្ពុជា ម្សិលមិញនេះបានប្រកាសអំពីគម្រោងនៃការរៀបចំការប្រកួតលីគ (BASEBALL5) លើកទី១ របស់ខ្លួនដែលនឹងធ្វើឡើងចាប់ពីថ្ងៃទី២២ ដល់ ២៤ ខែសីហា ឆ្នាំ២០២៤ នៅក្នុងពហុកីឡដ្ឋានជាតិ។

លោក ឆែម តារា

លោក ឆែម តារា ប្រធានសហព័ន្ធកីឡាបេស្បលបានឲ្យដឹងថា ឥលូវនេះក្រុមគណៈកម្មការបានរៀបចំលើកិច្ចការផ្សេងៗបានមួយចំនួនធំ និងកំពុងបន្តការងារមួយចំនួនទៀតពាក់ព័ន្ធនិងការត្រៀមខ្លួនចំពោះព្រឹត្តិការណ៍ដែលនឹងមកដល់នាចុងខែសីហា ឆ្នាំ២០២៤ នេះ។

សហព័ន្ធធ្វើសន្និសីទសារព័ត៌មានម្សិលមិញនេះដែរគឺចង់ប្រាប់មហាជនឲ្យបានដឹងពីព្រឹត្តិការណ៍លីគមួយនេះ និងចង់ស្វែងរកនូវការឧបត្ថម្ភពីបណ្ដាក្រុមហ៊ុនផ្សេងៗដែលចង់ចូលរួមលើកស្ទួយវិស័យកីឡាបេស្បលកម្ពុជា និងជាការអំពាវនាវដល់គ្រប់មជ្ឈដ្ឋានឲ្យជួយគាំទ្រផងដែរ។

ទិដ្ឋភាពម្សិលមិញ

គិតមកដល់ពេលនេះសហព័ន្ធទទួលការចុះឈ្មោះបាន ១២ ក្លឹបមកហើយដែលចង់ចូលរួមប្រកួតលីគ (BASEBALL5)។ យ៉ាងណាសហព័ន្ធនៅតែបន្តរង់ចាំទទួលមហាជនក៏ដូចជាក្លឹបផ្សេងៗដែលមានបំណងចង់ប្រកួតប្រជែងបង្ហាញសមត្ថភាពក្នុងព្រឹត្តិការណ៍ខាងលើនេះ។

ទិដ្ឋភាពម្សិលមិញ

បញ្ជាក់ដែរថា សហព័ន្ធកីឡាបេស្បល និងសុហ្វបលកម្ពុជា កាលពីថ្ងៃទី៣០ ខែមិថុនា ឆ្នាំ២០២៤ នេះបានធ្វើសន្និសីទសារព័ត៌មានប្រកាសពីការរៀបចំប្រកួតលីគ ជាលើកទី១ នៅកម្ពុជា។ ដោយការប្រកួតនេះនឹងធ្វើឡើងចាប់ពីថ្ងៃទី២២ ដល់ ២៤ ខែសីហា ឆ្នាំ២០២៤។ ក្នុងសន្និសីទនេះដែរគឺមានការចូលរួមពីលោក ឆែក តារា ប្រធានសហព័ន្ធបេស្បល លោក ដួង មាសចំរើន តំណាងក្រសួងអប់រំ និងបណ្ដាក្រុមហ៊ុនឧបត្ថម្ភរួមជាមួយតារាសិល្បៈជាច្រើនផងដែរ៕