Pep ៖ Arsenal ជាគូប្រជែងដ៏ធំរបស់យើងក្នុងរយៈពេល២ឆ្នាំចុងក្រោយនេះ
- 2024-09-23 00:00:00
- ចំនួនមតិ 0 | ចំនួនចែករំលែក 0
Pep ៖ Arsenal ជាគូប្រជែងដ៏ធំរបស់យើងក្នុងរយៈពេល២ឆ្នាំចុងក្រោយនេះ
ចន្លោះមិនឃើញ
សប្ដាហ៍ទី៥ក្នុងក្របខណ្ឌ English Premier League រវាង Manchester City និង Arsenal បានបញ្ចប់ទៅដោយលទ្ធផល២-២ នៅលើទឹកដី Etihad Stadium របស់ក្រុមមេឃខៀវ។ ក្រោយការប្រកួតបានបញ្ចប់ Pep Guardiola បាននិយាយថា Arseanal ចង់លួច Premier League ពី Manchester City។
អ្នកចាត់ការរបស់មេឃខៀវរូបនេះបានលើកឡើងថា គ្រប់គ្នានៅ Man City ពិតជាដឹងច្បាស់ថា Arsenal ពេលនេះជាគូប្រជែងដ៏សំខាន់។ «យើងហាក់ដូចជាកំពុងប្រយុទ្ធជាមួយក្រុមដែលមានឆន្ទៈចង់ឆក់យក EPL ពីយើងពួកកាលពីរដូវកាលមុនចឹង»។ ការលើកឡើងនេះបន្ទាប់ពី John Stone តាមស្នើនៅចុងម៉ោងនាទីទី៩០+៨។
«ពួកគេ (Arsenal) ជាគូប្រជែងដ៏ធំរបស់យើងក្នុងរយៈពេល២ឆ្នាំចុងក្រោយនេះ។ ពួកគេមានចំណុចពិសេស ហើយយើងក៏ដឹងដែរ ពួកគេបានធ្វើរឿងល្អជាច្រើនក្នុងទីលានសម្រាប់ក្រុមរបស់ពួកគេ។ ពួកគេជាផ្នែកមួយក្នុងការបង្អាក់ដំណើររបស់យើងក្នុងការឈ្នះជើងឯក។ ពិតណាត់យើងដឹងពួកគេមានធនធានល្អជាច្រើន វាខុសពី Manchester United និង Chelsea ដែលខំចាយលុយយ៉ាងច្រើន ប៉ុន្តែនៅតែមិនទាន់ស្វែងរកចំណុចពិសេសណាមួយដែលពួកគេចង់បានឃើញនៅឡើយ»។ នេះជាការបញ្ជាក់បន្ថែមរបស់ Pep ។
សូមបញ្ជាក់ថាបន្ទាប់ពីស្មើគ្នា ២-២ ក្នុង៥ប្រកួតនេះ Manchester City នៅតែឈរនៅលេខ១ជាបណ្ដោះអាសន្នដដែល ខណៈដែល Arsenal ស្ថិតនៅលេខរៀងទី៤ក្នុងតារាង English Premier League ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
