កប់ស៊េរី! គម្រោងលានដុល្លារ Eden Garden កន្លែងកម្សាន្តប្រមូលផ្ដុំគ្មាន២ នៅកម្ពុជា ត្រៀមបើកដើម ២០១៨

2017-12-06 03:01:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុត គម្រោងលានដុល្លារ Eden Garden ដែលជាកន្លែងប្រមូលផ្ដុំដោយហាងទំនើបៗគ្រប់ប្រភេទ មិនថាក្លឹបកម្សាន្ត រោងកុង ហាងកាហ្វេប្រេនៗ ភោជនីយដ្ឋានកាលីបៗបែបខ្មែរ-ថៃ-ជប៉ុន-ចិន ផ្សារទំនើប នឹងត្រៀមបើកជាផ្លូវការនៅខែមករា ដើមឆ្នាំ២០១៨ នេះហើយ។

Eden Garden ដែលមានទឹកប្រាក់វិនិយោគ ៣ លានដុល្លារ និងស្ថិតនៅក្នុង Phnom Penh City Center (PPCC) កណ្ដាលក្រុងភ្នំពេញនោះ នឹងមានហាងចម្រុះប្រភេទ ២០ ហាងឯណោះ មានសុទ្ធតែជម្រើសហាងល្អៗបំផុត ត្រូវសម្រាប់ជីវិតអ្នកទីក្រុង និងបរទេស ខណៈដែលហាងមួយចំនួន ក៏ចាប់បើកបណ្ដើរៗហើយ ក្នុងខែធ្នូ ២០១៧ នេះ។

លោក Faramarz Ghotbi ជាស្ថាបនិក និងជានាយកប្រតិបត្តិក្រុមហ៊ុន British Khmer Engineering Constructionនិងជាម្ចាស់គម្រោង Eden Garden បានផ្ដល់បទសម្ភាសប្រាប់ Sabay ថា៖ "គម្រោង Eden Garden ត្រូវបានវិនិយោគអស់ទឹកប្រាក់ ៣ លានដុល្លារ សង់លើដីប្រមាណ ២ ហិចតា។ ទីតាំងនេះ ស្ថិតនៅចំកណ្ដាលក្រុងតែម្ដង ទាំងជិតសាលារៀន កន្លែងធ្វើការ ធនាគារ កន្លែងវាយកូនហ្គោល ព្រមទាំងជិតសួនធំជាងគេបង្អស់នៅភ្នំពេញ ដែលគ្រោងនឹងធ្វើនៅក្នុង PPCC ខាងមុខនេះ"។

លោកបន្តថា៖ "បើផ្អែកតាមគម្រោងប្លង់មេរបស់ PPCC ពេលដែលគម្រោងលំនៅឋាន (ផ្ទះ ខុនដូ) និងគម្រោងអគារការិយាល័យផ្សេងៗ បញ្ចប់ការសាងសង់រួចរាល់ Eden Garden នឹងទាក់ទាញមនុស្សកាន់ច្រើនថែមទៀត"។

លក្ខណៈពិសេសរបស់ Eden Garden នៅជិតផ្សារកុងតឺន័រ Art's Container មួយនេះ មិនត្រឹមតែមានហាងគ្រប់ប្រភេទនោះទេ ថែមទាំងមានកន្លែងក្មេងលេង សន្តិសុខយាមកាម ២៤ ម៉ោង សួនបៃតង និងទឹកបាញ់ ដល់ទៅ ១ហិកតាឯណោះ ខណៈចំណតយានយន្តអាចដាក់រថយន្តបាន ៣២៥ គ្រឿង និងម៉ូតូ ៥០០ គ្រឿង។