រឿងសំខាន់ៗកើតឡើង កាលសប្តាហ៍មុន

2018-02-05 08:48:16
ចំនួនមតិ 0 | ចំនួនចែករំលែក 0

ចន្លោះមិនឃើញ

១.អគារខ្មោច៤២ជាន់រស់ឡើងវិញ

អគារខ្មោច Golden Tower ៤២ជាន់ នឹងចេញរូបរាងមុនឆ្នាំ២០២០ខាងមុខ។ សំណង់អគារ Golden Tower ៤២ជាន់ នេះគឺជាសំណង់អគារដែលជាប់គាំងសាងសង់ យូរជាងគេនៅកម្ពុជា ក្រោយម្ចាស់គម្រោងជួបដោយសារវិបត្តិសេដ្ឋកិច្ចកាលពី២០០៨។

ម្ចាស់គម្រោងក្រុមហ៊ុន YON WOO បញ្ជាក់កាលពីថ្ងៃទី២៨ ខែមករា ឆ្នាំ២០១៨ ថានឹងបន្ថែមទុន ១៥០លានដុល្លារលើដើម្បីឲ្យអគារមួយនេះចេញរូបរាងនៅមុនឆ្នាំ២០២០។ បច្ចុប្បន្នអគារបានសាងសង់ដល់ជាន់ទី ២៨ ដែលបានចាយទុនប្រមាណជា ១០០លានដុល្លារ ហើយក្នុងឆ្នាំ ២០១៨ គ្រោងនឹងសម្រេចឲ្យបានរហូតដល់ជាន់ទី៣៦។

ព័ត៌មានលម្អិត អគារខ្មោចរស់ឡើងវិញ មានផលប្រយោជន៍អី្វសម្រាប់អ្នកភ្នំពេញឬអត់?

២.សមិតិផលធំៗដែលកម្ពុជានឹងមាន

ផ្លូវរថភ្លើងលើអាកាស ដែលគ្មានអ្នកបើក ពីភ្នំពេញទៅពហុកីឡដ្ឋានជាតិ មរតកតេជោ ព្រែកព្នៅ ចម្ងាយប្រហែល ១៨គីឡូម៉ែត្រ។
គម្រោងសាងសង់រថភ្លើងលើអាកាសស្វ័យប្រវត្តិ (AGT) ចំនួន ៤ខ្សែក្នុងរាជធានីភ្នំពេញ
ព្រលានយន្តហោះអន្តរជាតិថ្មី នៅខេត្តកោះកុង៖ ព្រលានយន្តហោះអន្តរជាតិតម្លៃ ៣៥០លានដុល្លាកំពុងចាប់ផ្ដើមឈូសឆាយដីដើម្បីរៀបចំការដ្ឋានសាងសង់។
ផ្លូវហាយវ៉េត្រី ឥណ្ឌា-មីយ៉ាន់ម៉ា-ថៃ គ្រោងតភ្ជាប់មកកម្ពុជា៖ ឥណ្ឌាគ្រោងនឹងតភ្ជាប់ផ្លូវហាយវ៉េត្រី ឥណ្ឌា-មីយ៉ាន់ម៉ា-ថៃមកកម្ពុជា។
រថភ្លើង៣គ្រឿង កប៉ាល់២គ្រឿង ដឹកមកដល់កម្ពុជាមុនចូលឆ្នាំខ្មែរ
ស្ពានអាកាសថ្មើរជើង៖ ស្ពានអាកាសថ្មើរជើងថ្មី នៅរង្វង់មូលនាងគង្ហីងក្បែរពហុកីឡដ្ឋានជាតិអូឡាំពិក សម្រេចការសាងសង់បាន ៥០%

ព័ត៌មានលម្អិត ញញឹមបិទមាត់មិនជិតទៀតហើយ! អាចមានរថភ្លើងលើអាកាសពីភ្នំពេញ ទៅព្រែកព្នៅ

ព័ត៌មានលម្អិត ល្អខ្លាំង! កម្ពុជានឹងមានព្រលានយន្តហោះថ្មីចែស៣កន្លែង និងផ្លូវហាយវ៉េឆ្លងប្រទេស

ព័ត៌មានលម្អិត តែប៉ុណ្ណេះជិះខ្ជិលបាត់! រថភ្លើង៣គ្រឿង កប៉ាល់២គ្រឿង ដឹកមកដល់កម្ពុជាមុនចូលឆ្នាំ

ព័ត៌មានលម្អិត ជិតបានឆ្លងហើយ! ស្ពានអាកាសថ្មើរជើងថ្មីនៅភ្នំពេញ មានលក្ខណៈពិសេសមិនធម្មតា

៣.កម្ពុជាប្រារព្ធបុណ្យសាសនាធំនៅឧត្តុង្គ

កម្ពុជាបានប្រារព្ធធ្វើបុណ្យសាសនាព្រះពុទ្ធមាឃបូជានៅឧត្តុង្គ ខេត្តកំពង់ស្ពឺ។គេប្រារព្ធធ្វើបុណ្យបែបសាសនាធំនេះគឺដើម្បី ទី១ ការរំឭកនឹកដល់ព្រះសម្មាសម្ពុទ្ធបរមគ្រូទ្រង់ដាក់អាយុសង្ខារ។ ទី២ ថ្ងៃរំលឹកទៅដល់ពេលដែលព្រះពុទ្ធអង្គសម្ដែងឱវាទបាតិមោក្ខ និងទី៣ដើម្បីប្រារព្ធនូវការធ្វើចតុរង្គសន្និបាតប្រកបដោយអង្គបួនរបស់ព្រះសម្មាសម្ពុទ្ធបរមគ្រូ។

ព័ត៌មានលម្អិត ទិដ្ឋភាព ព្រះសង្ឃ និងបរិស័ទធ្វើពិធីបូជាមាឃបូជាព្រឹកមិញ

អត្ថបទ៖ លន ហ្សាឌីណា