អស់ប៉ុន្មានទៅរឿងជួសជុលផ្លូវក្នុង១ឆ្នាំៗ បានឯកឧត្ដម ស៊ុន ចាន់ថុល ស្ដាយលុយយ៉ាងនេះ?

2018-02-06 02:31:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានសម្ដែងការសោកស្ដាយខ្លាំងទៅការការជួសជុលផ្លូវក្នុងមួយឆ្នាំៗ ត្រូវចំណាយថវិកាអស់ជាង២០០លានដុល្លារឯណោះ។

ថ្លែងក្នុងពិធីចុះហត្ថលេខាលើកម្រិតថែទាំផ្លូវជាតិ និងផ្លូវជាតិលេខ៧កាលពីម្សិលមិញនេះ រដ្ឋមន្ត្រីក្រសួងសាធារណការ បានសង្កត់ធ្ងន់ទៅលើរថយន្តដឹកលើសទម្ងន់ ដែលជាមូលហេតុសំខាន់បំផុតធ្វើឲ្យផ្លូវថ្នល់ឆាប់ខូច។

ឯកឧត្ដម ស៊ុន ចាន់ថុល ថ្លែងយ៉ាងដូច្នេះថា «បើដឹកលើសទម្ងន់ទោះផ្លូវធ្វើពីអី ចាក់ពីអីក៏មិនអាចទប់ទល់បានដែរ ឡានខ្លះដឹកដល់៧០តោន យើងខ្ញុំមានរូបថតច្រើនណាស់ឡើងកំពិតឡានអស់ហើយ ចឹងទប់ទល់ណាបាន»។ បើផ្លូវថ្នល់មិនខូចវិញនោះ ឯកឧត្ដម អះអាងថា ថវិកាដ៏ច្រើនលើសលប់ទាំងនោះអាចយកទៅសង់សាលារៀន មន្ទីរពេទ្យ ដំឡើងប្រាក់បៀវត្សមន្ត្រីរាជការជាដើម។

រូបភាព៖ ក្រសួងសាធារណការ

ដូច្នេះក្នុងនាមជាថ្នាក់ដឹកនាំក្រសួងសាធារណការ ឯកឧត្ដម ស៊ុន ចាន់ថុល អំពាវនាវឲ្យអ្នកបើកបរទាំងឡាយ សូមមេត្តាគោរពច្បាប់ និងចូលរួមថែរក្សាផ្លូវថ្នល់ទាំងអស់គ្នា ជាពិសេសរថយន្តដឹកលើសទម្ងន់។ ការថែរក្សាផ្លូវថ្នល់ឲ្យគង់វង្សយូរអង្វែង គឺជាកាតព្វកិច្ចរបស់ពលរដ្ឋគ្រប់គ្នា៕

ចុចអាន៖

អត្ថបទ៖ វឌ្ឍនៈ