Google សម្រេចបិទសេវាកម្មបង្រួម URL មួយជាផ្លូវការ
- 2018-04-01 06:00:00
- ចំនួនមតិ 0 | ចំនួនចែករំលែក 0
Google សម្រេចបិទសេវាកម្មបង្រួម URL មួយជាផ្លូវការ
ចន្លោះមិនឃើញ
ក្រុមហ៊ុន Google បានសម្រេចបិទសេវាកម្មបង្រួម URL ឲ្យឈ្មោះ goo.gl របស់ខ្លួនជាផ្លូវការ នេះបើតាមការលើកឡើងពីវិស្វករកម្មវិធី Michael Hermanto ប្រកាសតាមរយៈប្លុក Google Developers កាលពីថ្ងៃសុក្រ ដោយការប្រើប្រាស់ទូទៅនឹងត្រូវផ្អាកនាប៉ុន្មានសប្ដាហ៍បន្ទាប់។
លោកសង្កត់ធ្ងន់ការផ្លាស់ប្តូរនេះសោត ជាការបង្វែរគោលដៅរបស់ក្រុមហ៊ុន Google ផ្តោតទៅលើសេវាកម្មថ្មីមួយផ្សេងទៀត ឲ្យឈ្មោះ Firebase Dynamic Links ឬហៅកាត់ FDL។ លក្ខណៈពិសេសរបស់វា អាចកំណត់គោលដៅដោយស្វ័យប្រវត្តិទៅលើអ្នកប្រើប្រាស់ប្រភេទ iOS, Android ឬ Web App។
ថ្វីបើយ៉ាងណាមិញតាមការចង្អុលបង្ហាញពីគេហទំព័រ Android Police បានបញ្ជក់ថា FDL នឹងអនុញ្ញាតឲ្យប្រើប្រាស់ធំទូលាយសម្រាប់ Developers ប៉ុណ្ណោះ ករណីជាអ្នកប្រើប្រាស់ធម្មតាគួរវិលទៅឆែកមើលសេវាកម្មស្រដៀងគ្នានេះ ដោយមាន Bitly និង Ow.ly នោះទើបប្រសើរជាង។
មួយទៀតសោតក្រុមហ៊ុន Google ក៏បញ្ជាក់លើកាលបរិច្ឆេទ ២ ដោយមួយនាថ្ងៃទី ១៣ មេសា ២០១៨ ជាថ្ងៃដែលអ្នកប្រើប្រាស់លែងមានសិទ្ធចូលទៅបង្រួម Link អ្វីទាំងអស់លើគេហទំព័រ goo.gl ខណៈមួយផ្សេងទៀតនាថ្ងៃទី ៣០ មិនា ២០១៩ រាល់បណ្តាទិន្នន័យគ្រប់បែបយ៉ាងទាក់ទងនឹង goo.gl ត្រូវបានផ្អាកដំណើរការឬលុបចោលតែម្តង។
រំឭកថាក្រុមហ៊ុនយក្សអាមេរិកមួយនេះបានបើកឲ្យប្រើប្រាស់សេវាកម្ម goo.gl ក្នុងឆ្នាំ ២០០៩ ស្ថិតលើគោលដៅផ្តល់ឲ្យអ្នកប្រើប្រាស់មានសិទ្ធចែករំលែក Link និងវាស់ស្ទង់ពីទំហំអ្នក Online នៅលើគេហទំព័រ។
-->Sabay ត្រូវការរើស Marketing Consultant។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/j3UhbY
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: