ស្មាតហ្វូនរាងចម្លែកប្លែកខុសពីគេ តែតម្លៃកុំមើល iPhone សូមខ្មាស

2018-04-06 12:57:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូនដំណើរការដោយប្រព័ន្ធ Android ម៉ូឌែល Sonim XP8 រចនាតួខ្លួនរឹងមាំតម្រូវស្ថានភាពគ្រប់បែបបទ ត្រូវប៉ាន់សម្រាប់អ្នកធ្វើការសំណង់, អ្នកពន្លត់អគ្គីភ័យ ឬអ្នកបម្រើការនៅកាលៈទេសៈលំបាកបែបណា ក៏ទូរសព្ទតម្លៃថ្លៃមួយនេះអាចធន់បានទាំងអស់។

XP8 រចនាតួខ្លួនតាមស្តង់ដារយោធាអាមេរិក MIL-STD-810G ធន់ទាំងនៅទីតាំងមានធូលី, សម្ពាធខ្ពស់, សីតុណ្ហភាព, វិទ្យុសកម្ម, សំណើម និងទឹកជាដើម។ ដោយ Speaker ពីរគ្រាប់នៅផ្នែកខាងមុខ អាចបញ្ចេញសំឡេងដល់កម្រិត 100dB+ កុំថាឡើយនៅបរិវេណអ៊ូអរក៏គ្មានបញ្ហា។

និយាយពីលក្ខណៈសម្បត្តិម៉ាស៊ីន XP8 បំពាក់អេក្រង់ទំហំ ៥ អ៊ីញ កម្រិត ១ ៩២០ x ១ ០៨០ ភីកសែល ប្រភេទ IPS អមឈីប Snapdragon 630 មាន RAM 4GB/64GB ROM និងកាមេរ៉ាក្រោយ 12MP បន្ថែមមុខងារ OIS និង PDAF ខណៈខាងមុខ 8MP។ ទៀតសោតក៏ប្រើប្រាស់ថាមពលថ្មធំដល់ទំហំ ៤ ៩០០mAh ដំណើរការលើ Android Nougat ជាមួយកម្រាស់ខ្លួនដល់ ១៨ មិល្លីម៉ែត្រ និងទម្ងន់ ៣៣៥ ក្រាម។

ប៉ុន្តែបើនិយាយពីតម្លៃក៏ខ្ពស់មិនណយដល់ ៦៩៩,៩៩ ដុល្លារ ប្រកាសលក់តាមបណ្តាហាងចែកចាយ AT&T នៅសហរដ្ឋអាមេរិក ជាមួយសេវាកម្មធានាជូនអតិថិជនរយៈពេល ៣ ឆ្នាំពេញ។