ទៀតហើយ! ម៉ាឡេស៊ី រកឃើញដង្កូវងាប់ក្នុងត្រីខកំប៉ុង ២ ប្រភេទដែលនាំចូលពីចិន
- 2018-04-23 02:25:44
- ចំនួនមតិ 0 | ចំនួនចែករំលែក 0
ទៀតហើយ! ម៉ាឡេស៊ី រកឃើញដង្កូវងាប់ក្នុងត្រីខកំប៉ុង ២ ប្រភេទដែលនាំចូលពីចិន
ចន្លោះមិនឃើញ
ត្រីខកំប៉ុងចំនួន ២ ប្រភេទដែលនាំចូលពីប្រទេសចិន ត្រូវបានគេប្រមូលយកទៅវិញ បន្ទាប់ពីរកឃើញថាមានផ្ទុកដង្កូវងាប់នៅក្នុងនោះ។
ក្រសួងសុខាភិបាលរបស់ប្រទេសម៉ាឡេស៊ី បានធ្វើការត្រួតពិនិត្យលើត្រីខកំប៉ុងទាំង ២ ម៉ាកខាងលើ ក្រោយពីមានការបង្ហោះលើបណ្ដាញសង្គម Facebook ថា ពួកវាមានផ្ទុកសត្វដង្កូវងាប់ (ប្រភេទ Nematode)។
អគ្គនាយកក្រសួងសុខាភិបាល លោកវេជ្ជបណ្ឌិត Noor Hisham Abdullah បានឲ្យដឹងថា នាយកដ្ឋានផ្នែកសុវត្ថិភាព និងគុណភាពចំណីអាហារ បានធ្វើការវិភាគលើត្រីខកំប៉ុង ម៉ាក TL Tan Lung និង TLC ហើយបានរកឃើញថា ពួកវាមិនបានគោរពតាមច្បាប់ចំណីអាហារ Food Act 1983 ឡើយ។
គួររំលឹកឲ្យដឹងថា ទីភ្នាក់ងារស្បៀងអាហារ Food and Drug Monitoring Agency របស់ប្រទេសឥណ្ឌូនេស៊ី ក៏បានណែនាំឲ្យប្រមូលត្រីខកំប៉ុងមកវិញផងដែរ បន្ទាប់ពីរកឃើញដង្កូវងាប់នៅក្នុងនោះ កាលពីដើមខែកន្លងទៅនេះ៕
ចុចអាន៖