លន់ បញ្ញា៖ មួយដៃរបស់ លាភ រដ្ឋា អុកគូទងងឹតមុខឈឹង ហេងចេះងើបវិញទាន់

2018-05-02 02:16:50
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ស្រករក្រោយនិងកំពុងលើងកូដ លន់ បញ្ញា ថា ជុំទី៣ ឬវគ្គ៨នាក់ចុងក្រោយនេះ ជូរជត់មែនទែនទម្រាំឈ្នះ ត្រូវមួយដៃរបស់សិស្សច្បង លាភ រដ្ឋា ដួលអុកគូទដោយមិនដឹងខ្លួន ប៉ុន្តែចេះងើបឡើងវិញទាន់ពេលអាជ្ញាកណ្ដាលមិនរាប់។

លន់ បញ្ញា(ក្រហម) លាភ រដ្ឋា(ខៀវ)

លន់ បញ្ញា ប្រាប់ឲ្យដឹងថា ពិបាកខ្លាំងទម្រាំអាចយកឈ្នះនៅជុំទី៣នៃពានរង្វាន់ TV5 នេះ ពោលពាក់កណ្ដាលទឹកទី១ ត្រូវនិងកណ្ដាប់ដៃ លាភ រដ្ឋា ពេញផ្ទៃមុខ ងងឹតមុខសឺ ហើយទ្រាំបន្តការប្រកួតរហូតបានជ័យជម្នះវិញ។ អ្នកប្រដាល់មកពីខេត្តព្រៃវែងរូបនេះបន្ថែមទៀតថា ដៃគូគឺល្អដៃតែមុខនោះទេ ប៉ុន្តែវ៉ៃចេញលឿន ទោះព្យាយាមកៀចក៏នៅមិនទាន់។

លន់ បញ្ញា(ក្រហម) លាភ រដ្ឋា(ខៀវ)

កីឡាករវ័យ ១៧ឆ្នាំខាងលើ ប្រាប់ទៀតថា ដោយសារតែខ្លួនបានហ្វឹកហាត់ពេញលេញល្អ បើគិតទៅចាប់តាំងពីក្រោយពិធីចូលឆ្នាំខ្មែរមកម្ល៉េះ ទើបធ្វើឲ្យរូបគេមានកម្លាំង និងស្មារតីតតាំងប្រកួតវិញបានបន្ទាប់ត្រូវមួយដៃពេញដូចនេះ។ ការព្យាយាមទាត់ជារឿយៗក៏បានសម្រេចនៅទឹកទី២ ដោយទាត់ដៃគូត្រូវចង្កាសន្លប់តែម្ដង។

លន់ បញ្ញា

លន់ បញ្ញា ប្រកួតចុងក្រោយឈ្នះ លាភ រដ្ឋា នៅទឹកទី២ ខណៈ សង គង់ ឈ្នះ រឿង ឈី ដោយពិន្ទុកាលពីថ្ងៃសៅរ៍ ទី២៨ ខែមេសា ឆ្នាំ២០១៨។ ពួកគេទាំងពីរបានឡើងទៅជុំទី៤ វគ្គពាក់កណ្ដាលផ្ដាច់ព្រ័ត្រពានរង្វាន់ TV5 ហើយ៕

វីដេអូ៖