ធ្វើម៉េចដេកកុំឲ្យស្រមុក?
- 2014-11-20 00:26:58
- ចំនួនមតិ 0 | ចំនួនចែករំលែក 0
ធ្វើម៉េចដេកកុំឲ្យស្រមុក?
ចន្លោះមិនឃើញ
ការគេងស្រមុកជាទម្លាប់អាក្រក់សម្រាប់មនុស្សមួយចំនួនធំនៅលើពិភពលោកនេះ។ ការគេងបែបនេះប៉ះពាល់ទៅលើពេលវេលាសម្រាករបស់អ្នកគេងក្បែរ ឬជាមួយទៀតផង។
ដើម្បីជៀសវាងការគេងស្រមុក សូមអនុវត្តតាមវិធីងាយៗខាងក្រោម៖
១. ចូរប្ដូររបៀបគេងឲ្យបានច្បាស់លាស់៖ មនុស្សភាគច្រើនចូលចិត្តគេងផ្ងារ និងផ្កាប់ ហើយទម្លាប់គេងបែបនេះអាចធ្វើឲ្យអ្នកស្រមុកបាន។ ដូច្នេះសូមគេងផ្អៀងជំនួសវិញទើបជាការប្រសើរ ព្រោះវាជួយឲ្យអ្នកដកដង្ហើមស្រួល និងដេកលក់សុបិនល្អ។
២. ការសម្រកទម្ងន់៖ វិធីដ៏ល្អមួយទៀត ដើម្បីជៀសវាងការគេងស្រមុកបាន គឺបញ្ចុះទម្ងន់ ប៉ុន្តែមនុស្សស្គមក៏គេងស្រមុកដូចគ្នាដែរ។ ប្រសិនបើអ្នកមិនដែលស្រមុក មុនពេលឡើងទម្ងន់ ការសម្រកទម្ងន់ជាដំណោះស្រាយដ៏ល្អ។
៣. ការផឹកស្រា និងប្រើប្រាស់ថ្នាំងងុយគេងច្រើន៖ អាចធ្វើឲ្យអ្នកគេងស្រមុក។ នេះបើតាមប្រសាសន៍លោកវេជ្ជបណ្ឌិត Chokroverty។ មនុស្សមិនធ្លាប់គេងស្រមុក បន្ទាប់ពីទទួលទានស្រាហើយ នឹងគេងស្រមុកមិនខាន ។
៤. អនុវត្តទម្លាប់គេងឲ្យមានរបៀប និងអនាម័យត្រឹមត្រូវ៖ សូមសំអាតរាងកាយ និង មាត់ច្រមុះជាប្រចាំមុនពេលគេង ទើបអាចឲ្យអ្នកជៀសវាងការដេកស្រមុកបាន។
៥. ចូរបើកច្រមុះឲ្យខ្យល់ដកដង្ហើមស្រួល៖ កាលណាច្រមុះអ្នកដកដង្ហើមមិនស្រួលទេ វាអាចឲ្យអ្នកគេងស្រមុកបាន។
៦. សូមប្ដូរខ្នើយឲ្យត្រូវតាមទម្រង់ការគេងទៀងទាត់៖ ខ្នើយក៏ជារបស់ដែលអ្នកមិនអាចមើលរំលងបានទេ ព្រោះទម្លាប់ប្ដូរខ្នើយជាដំណោះស្រាយសម្រាប់អ្នកគេងស្រមុក។
៧. ទទួលទានទឹកឲ្យបានច្រើន មុនពេលគេង៖ ទឹកជាសារធាតុសំខាន់ អាចសម្រួលដល់ការគេងស្រមុកឭខ្លាំងពេលយប់។ មុនពេលចូលគេង សូមអ្នកទាំងអស់គ្នាទទួលទានទឹកឲ្យបានច្រើនតាមលទ្ធភាពអាចធ្វើបាន៕
អាន៖ ២នាទី មើលហើយនឹងដឹងថា អ្វីទាំងនេះដំណើរការយ៉ាងម៉េច
អាន៖ អាហារ៩ប្រភេទ បំផ្លាញជីវិតសិច ដោយមិនដឹងខ្លួន
ប្រែសម្រួល៖ សែម សុធារិទ្ធ ប្រភព៖ webmd