ភ្លេចហ្គេមតុក្កតាស៊ីចេកហើយឬនៅ? តោះ Download លេងទាំងអស់គ្នា
- 2015-02-25 23:08:06
- ចំនួនមតិ 0 | ចំនួនចែករំលែក 0
ភ្លេចហ្គេមតុក្កតាស៊ីចេកហើយឬនៅ? តោះ Download លេងទាំងអស់គ្នា
ចន្លោះមិនឃើញ
សព្វថ្ងៃនេះ ហ្គេមក្នុង Smartphone និង កុំព្យូទ័រកំពុងទទួលបានការពេញនិយមយ៉ាងខ្លាំងពីសំណាក់មិត្តៗយុវវ័យ ក៏ដូចជាប្អូនៗកុមារផងដែរ។ ខុសពី មិត្តយុវវ័យកាលពីអំឡុងទសវត្សរ៍ឆ្នាំ ១៩៩០ និង ២០០០ ដែលធ្លាប់ស្គាល់តែទូរហ្គេមដាក់កាក់ (Arcade Game) និងហ្គេមកាសែត(Famicom) ជាដើម ។
ដូច្នេះដើម្បីរំលឹកពីអនុស្សាវរីយដ៏សប្បាយរីករាយរបស់មិត្តៗយុវវ័យជំនាន់ទសវត្សរ៍ឆ្នាំ ១៩៩០ និងឆ្នាំ ២០០០ ថ្ងៃនេះ Sabay នឹងផ្ដល់កាដូពិសេសមួយជូនប្រិយមិត្តអ្នកអាន គឺការទាញយក (Download) ហ្គេមតេលេ ឬហ្គេមដាក់កាសែត (Famicon) ដ៏ពេញនិយមមួយក្នុងជំនាន់ទសវត្សរ៍ឆ្នាំ ១៩៩០ និង ២០០០ ដែលមានឈ្មោះថា Adventure Island ឬគេនិយមហៅថា ហ្គេមតុក្កតាស៊ីចេក។
តុក្កតា ស៊ីចេក គឺជាហ្គេមដែលផលិត និងប្រកាសលក់ដោយក្រុមហ៊ុន Hudson Soft និងបានចេញលក់នៅលើទីផ្សារប្រទេសជប៉ុនមុនគេនៅថ្ងៃទី ១២ ខែកញ្ញា ឆ្នាំ១៩៨៦។ ក្នុងការកម្សាន្តហ្គេមនេះ ប្រិយមិត្តនឹងត្រូវបញ្ជាតួអង្គដែលមានឈ្មោះថា Higgins ដើម្បីធ្វើការផ្សងព្រេងជាមួយនឹងភាពគ្រោះថ្នាក់ នៅលើកោះជាច្រើន ក្នុងគោលបំណងជួយរំដោះ Tina ជាសង្សាររបស់ខ្លួន ដែលត្រូវបានចាប់ពង្រត់ដោយ King Quiller។ ក្នុងកំឡុងពេលកម្សាន្ត Higgins អាចនឹងបាត់បង់ជីវិតគ្រប់ពេលនៅពេល Higgins បានទៅប៉ះសត្រូវ, ភ្នក់ភ្លើង, គ្រាប់របស់សត្រូវ ក៏ដូចជាធ្លាក់ចូលក្នុងរណ្ដៅផងដែរ។
អាន៖ ការពិតលេងហ្គេមមានប្រយោជន៍អីចឹងទេ!
សម្រាប់ការចាប់ផ្ដើមលេង ដំបូងនៃជីវិតនីមួយៗ Higgins មិនអាចសម្លាប់សត្រូវបានទេ លុះត្រាតែ Higgins បុកចំស៊ុតដែលមានអាវុធទើបអាចប្រើអាវុធនោះមកសម្លាប់សត្រូវបាន។ ក្រៅពីអាវុធ Higgins នៅមានឱកាសហក់ស៊ីផ្លែឈើដើម្បីសន្សំពិន្ទុដើម្បីទទួលបានជីវិត បន្ថែមផងដែរ។
ចុចទីនេះ ដើម្បីទាញយកហ្គេមនេះកម្សាន្តលើកុំព្យូទ័រ!
មានអនុស្សាវរីយអ្វីខ្លះជាមួយតុក្កតាស៊ីចេក? ប្រិយមិត្តអាចរៀបរាប់ ដោយ Comment នៅខាងក្រោម៕
អត្ថបទ៖ ភីឆាយ