Kim SooHyun នឹងសម្ដែងរឿងថ្មី ដោយអ្នកនិពន្ធរឿង "សង្សារខ្ញុំជាមនុស្សភពផ្កាយ"
- 2015-03-10 20:13:12
- ចំនួនមតិ 0 | ចំនួនចែករំលែក 0
Kim SooHyun នឹងសម្ដែងរឿងថ្មី ដោយអ្នកនិពន្ធរឿង "សង្សារខ្ញុំជាមនុស្សភពផ្កាយ"
ចន្លោះមិនឃើញ
ក្រោយបាត់មុខក្នុងការសម្ដែងជាង ១ឆ្នាំ តាំងពីចប់រឿង “សង្សារខ្ញុំជាមនុស្សភពផ្កាយ” តារាសម្ដែងកូរ៉េខាងត្បូង Kim Soo Hyun នឹងត្រលប់មកសម្ដែងរឿងភាគថ្មីមួយទៀត ដែលជាស្នាដៃរបស់អ្នកនិពន្ធរឿងភាគខាងលើដដែល។
Kim Soo Hyun, Kong Hyo Jin, IU និង Cha Tae Hyun
ប្រភពពាក់ព័ន្ធបានបញ្ជាក់កាលពីថ្ងៃទី៩ ខែមីនា ថា តារាសម្ដែង Kim Soo Hyun នឹងសម្ដែងជាតួឯកក្នុងរឿងភាគថ្មីមួយមានចំណងជើងថា “Producer” ដែលនិពន្ធដោយ Park Ji Eun។ តារាសម្ដែងល្បីៗ ៣រូបទៀត ដែលនឹងសម្ដែងក្នុងរឿងភាគនេះដែរ មានដូចជា IU, Cha Tae Hyun និង Kong Hyo Jin។
“Producers” និយាយពីជីវិតការងាររបស់ក្រុមផលិតករ ជាពិសេសផ្នែកច្នៃម៉ូដ (Production Design) នៅក្នុងស្ថានីយទូរទស្សន៍មួយ ដែលក្នុងនោះ Cha Tae Hyun និង Kong Hyo Jin សម្ដែងជាអ្នកច្នៃម៉ូដជើងចាស់ ហើយ Kim Soo Hyun នឹងដើរតួជាអ្នកច្នៃម៉ូដចំណូលថ្មី។ ចំណែក IU ដើរតួជាតារាចម្រៀងល្បីម្នាក់ ដូចនឹងអាជីពរបស់នាងក្រៅសាច់រឿងដែរ។
ភាពយន្តភាគថ្មីនេះនឹងចាប់ផ្ដើមថតនៅពាក់កណ្ដាលខែមីនានេះ ហើយនឹងអាចចាក់ផ្សាយតាមកញ្ចក់ទូរទស្សន៍ SBS នៅខែមេសា៕
ចុចអាន៖Kim Soo Hyun ល្បីដល់គេសង់រូបសំណាកតាំងនៅហុងកុង
ប្រែសម្រួល៖ វ៉ាន់ថន ប្រភព៖mwave