បោះប្រ៊ុយយ៉ុងប្រលងនៅឥណ្ឌាពិតជាសាហាវ

2015-03-20 16:11:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់ពីថ្ងៃ១៩ រហូតដល់ថ្ងៃទី២៤ ខែមីនា គឺជាពេលវេលាប្រលងដ៏សំខាន់សម្រាប់សិស្សថ្នាក់ទី១០ ប្រមាណជាង ១,៤លាននាក់ នៅមណ្ឌលជាង ១២០០ ក្នុងប្រទេសឥណ្ឌា។ យ៉ាងណាមិញ បាតុភាពមិនប្រក្រតីបានកើតឡើង ដោយសារសិស្សជាច្រើននាំយកសៀវភៅ ប្រ៊ុយយ៉ុង និងសំណៅឯកសារផ្សេងៗចូលទៅចម្លងយ៉ាងគគ្រឹកគគ្រេង។

មិនត្រឹមតែភាពអសកម្មនៅក្នុងបន្ទប់ប៉ុណ្ណោះទេ នៅខាងក្រៅវិញ ឪពុក និងក្រុមគ្រួសារបេក្ខជនក៏នាំគ្នាជួយបោះប្រ៊ុយយ៉ុងយ៉ាងច្រើនផងដែរ។ ពួកគេនាំគ្នាតោងឡើងតាមក្រោយអគារសាលា បោះសំណៅឯកសារតាមបង្អួច ហាក់ដូចជាគ្មានខ្លាចវិន័យសាលាឡើយ។

បើទោះបីឃើញអ្នកថតរូប ក៏សិស្សទាំងនោះគ្មានការព្រួយបារម្ភ និងបន្តចម្លងតាមសំណៅឯកសារដែលខ្លួនមានជាប់ដៃ។ ក្នុងបាតុភាពមិនប្រក្រតីនោះ ប៉ូលិសបានឃាត់ខ្លួនអាណាព្យាបាលសិស្ស ជិត ២០នាក់ ប៉ុន្តែដោះលែងវិញ ក្រោយធ្វើការព្រមានរួច។ ចំណែកឯសិស្ស ៤០០នាក់ ដែលចាប់បានថាលួចចម្លងតាមប្រ៊ុយយ៉ុង ត្រូវបណ្ដេញចេញមិនឲ្យបន្តការប្រលងឡើយ។

អ្នកលួចចម្លងទាំងនោះ អាចប្រឈមមុខនឹងការហាមឃាត់មិនឲ្យចូលរួមប្រលងរហូតដល់ ៣ឆ្នាំ និងអាចជាប់ពន្ធនាគារ ឬរងការពិន័យជាប្រាក់។ យ៉ាងណាក្ដី ក្នុងការអនុវត្តជាក់ស្ដែង ករណីដាក់ទោសទណ្ឌទាំងនេះមិនសូវកើតមានឡើយ៕ សូមទស្សនាវីដេអូ៖