កម្មវិធីជើងឯកលីប្រពន្ធជម្នះឧបសគ្គកម្រិតពិភពលោក

2015-07-08 16:22:48
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រលងជ្រើសរើសជើងឯកលីប្រពន្ធជន្នះឧបសគ្គប្រណាំងគ្នាកម្រិតពិភពលោក បានប្រារព្ធធ្វើឡើងក្នុងទីក្រុង Sonkajärviប្រទេសហ្វាំងឡង់ ដោយមានការចូលរួមពីគូស្វាមីភរិយាមកពី១៤ប្រទេស កាលពីថ្ងៃសុក្រកន្លងទៅ។

បើយោងតាមគេហទំព័រផ្លូវការនៃកម្មវិធីនេះបានឲ្យដឹងថា នេះជាលើកទី២០ហើយដែលកម្មវិធីជើងឯកលីប្រពន្ធពិភពលោក ត្រូវបានប្រារព្ធឡើង ដោយមានការចូលរួមពីគូស្វាមីភរិយាចំនួន៦០គូ។ នៅក្នុងកម្មវិធីនេះតម្រូវឲ្យប្ដីប្រពន្ធសហការគ្នាជាក្រុមដើម្បីរត់ឆ្លងកាត់ឧបសគ្គផ្សេងៗក្នុងចម្ងាយផ្លូវ២៥៣,៥ម៉ែត្រ។

ប្ដីប្រពន្ធដែលចូលរួមក្នុងកម្មវិធី គឺតម្រូវឲ្យប្ដីលីប្រពន្ធដាក់លើស្មាដោយសំយុងក្បាលចុះពីក្រោយខ្នង ឬដាក់ទទឹងស្មារួចរត់ឆ្លងកាត់ឧបសគ្គ។ គូស្វាមីភរិយាគ្រប់គូ ត្រូវខិតខំព្យាយាមជួយគ្នាដើម្បីជម្នះនឹងឧបសគ្គដែលលាយឡំ និងភាពសប្បាយរីករាយផងដែរ។

ដោយឡែកនៅក្នុងកម្មវិធីគឺធ្វើឡើងតាមប្រពៃណីរបស់ប្រទេសហ្វាំងឡង់ ដើម្បីផ្ដល់ភាពសប្បាយរីករាយតាមរយៈការប្រកួតនេះ។ សម្រាប់គូស្វាមីភរិយាដែលឈ្នះនឹងទទួលបានរង្វាន់ជាស្រាបៀចំណុះស្មើនឹងទម្ងន់ខ្លួនរបស់ស្ត្រីដែលជាភរិយា៕