អស់ទាស់! កីឡាករ Honda, Kagawa, Yoshida… កោះហៅឱ្យចូលក្រុមជម្រើសជាតិពេលជប៉ុន ប៉ះកម្ពុជា

2015-08-27 21:25:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Honda Keisuke មកពីក្លិប AC Milan នៅប្រទេសអ៊ីតាលី អតីតខ្សែបម្រើរបស់ក្លិបបិសាចក្រហម Manchester United កីឡាករ Kagawa Shinji ខ្សែការពារ Yoshida Maya នៅក្លិប Southampton របស់អង់គ្លេស និងកីឡាករល្បីៗជាច្រើនទៀតដែលប្រកបអាជីពនៅតំបន់អឺរ៉ុប និង លីកក្នុងស្រុក (J-League) ត្រូវបានសហព័ន្ធកីឡាបាល់ទាត់ជប៉ុន កោះហៅឱ្យចូលក្នុងក្រុមជម្រើសជាតិដើម្បីត្រៀមខ្លួនប្រកួតជម្រុះពានរង្វាន់បាល់ទាត់ 2018 FIFA World Cup Russia ប្រចាំតំបន់ទ្វីបអាស៊ី ជាមួយក្រុមជម្រើសជាតិកម្ពុជា និង ក្រុមអាហ្វហ្គានីស្ថាន នៅដើមខែកញ្ញា ខាងមុខ។

ក្រុមជម្រើសជាតិជប៉ុននាពេលកន្លងមក (bookmaker)

យោងតាមសន្និសីទសារព័ត៌មាននៅរសៀលថ្ងៃទី ២៧ ខែសីហា ឆ្នាំ ២០១៥ មុននេះបន្តិចលោកគ្រូបង្វឹក Vahid Halilhodžić បានបង្ហាញបញ្ជីឈ្មោះកីឡាករចំនួន ២៣ នាក់ចុងក្រោយ ខណៈសល់ពេលត្រឹម១សប្ដាហ៍ទៀតប៉ុណ្ណោះការប្រកួតផ្លូវការនឹងមកហើយ។ ក្រុមជម្រើសជាតិជប៉ុន ត្រូវបើកទ្វាកីឡដ្ឋាន Saitama Stadium 2002 ក្នុងទីក្រុង Saitama របស់ខ្លួនទទួលស្វាគមន៍ក្រុមគោព្រៃកម្ពុជា នៅថ្ងៃទី ៣ ខែ កញ្ញា ឆ្នាំ ២០១៥ ខណៈ ៥ ថ្ងៃបន្ទាប់ក្រុមដាវសាម៉ូរ៉ៃខៀវ មួយនេះត្រូវទៅជួបក្រុមអាហ្វហ្គានីស្ថាន នៅទីក្រុងតេហេរ៉ង់ ប្រទេសអ៊ីរ៉ង់។

ខាងក្រោមជាបញ្ជីឈ្មោះកីឡាករ ២៣ នាក់របស់ជប៉ុន៖ *អ្នកចាំទី