Rooney ផ្ញើសារដល់កីឡាករក្មេងៗ បន្ទាប់ពីបំបែកកំណត់ត្រា
- 2015-09-09 16:00:24
- ចំនួនមតិ 0 | ចំនួនចែករំលែក 0
Rooney ផ្ញើសារដល់កីឡាករក្មេងៗ បន្ទាប់ពីបំបែកកំណត់ត្រា
ចន្លោះមិនឃើញ
ខ្សែប្រយុទ្ធ Wayne Rooney របស់ក្លិប Manchester United បានបំបែកកំណត់ត្រា ក្លាយជាកីឡាករដែលស៊ុតបានច្រើនគ្រាប់ជាងគេ (៥០គ្រាប់) សម្រាប់ក្រុមជម្រើសជាតិអង់គ្លេស បន្ទាប់ពីស៊ុតចូលទី១គ្រាប់ និងជួយឲ្យក្រុមតោកំណាច ឈ្នះស្វីស ២-០ ទៀត កាលពីយប់មិញ។
ប្រធានក្រុមជម្រើសជាតិអង់គ្លេស Rooney បានបំបែកកំណត់ត្រាចាស់របស់លោក Bobby Charlton ដែលស៊ុតបាន៤៩គ្រាប់ តាំងពី៤៥ឆ្នាំមុន បន្ទាប់ពីស៊ុតគ្រាប់បាល់ទី២ ទៅលើក្រុមស្វីស ក្នុងការប្រកួតជម្រុះពានរង្វាន់ Euro 2016 ពូល E ដោយបាល់ប៉េណាល់ទី។
បន្ទាប់ពីបំបែកកំណត់ត្រាដ៏អស្ចារ្យនេះ គ្រូបង្វឹកលោក Roy Hodgson បានយកអាវលេខ៥០ប្រគល់ឲ្យនៅបន្ទប់ផ្លាស់សំលៀកបំពាក់ ហើយកីឡាករវ័យ២៩ឆ្នាំរូបនេះ ក៏បាននិយាយផ្ដាំផ្ញើទៅកីឡាករក្មេងៗជំនាន់ក្រោយផងដែរ។
ប្រធានក្រុមបិសាចក្រហមរូបនេះ បាននិយាយថា៖ "ខ្ញុំសូមអរគុណដល់អ្នកទាំងអស់គ្នា, គ្រូបង្វឹក កីឡាករ និងបុគ្គលិក ដែលបានធ្វើការជាមួយគ្នាអស់ពេលជាយូរ។ នេះជារឿងដ៏អស្ចារ្យសម្រាប់ខ្លួនខ្ញុំផ្ទាល់ គ្រួសាររបស់ខ្ញុំ និងអាជីពរបស់ខ្ញុំ។ សង្ឃឹមថា សម្រាប់ក្រុម សម្រាប់រូបខ្ញុំ នឹងមានអ្វីអស្ចារ្យបន្ថែមទៀត និងអាចជោគជ័យ"។
Rooney បន្ថែមថា៖ "សូមឲ្យកីឡាករក្មេងៗធ្វើបានល្អ...ដូចជា Harry Kane, Ross Barkley, Raheem Sterling ... ខ្ញុំជឿថាពួកគេនឹងអាចបំបែកកំណត់ត្រារបស់ខ្ញុំបាននាពេលអនាគត។ ខ្ញុំរីករាយណាស់...វាមានន័យណាស់ សម្រាប់ខ្ញុំ ហើយជាចុងក្រោយខ្ញុំសូមអរគុណខ្លាំងបំផុត"។
សហព័ន្ធបាល់ទាត់អង់គ្លេស FA គ្រោងនឹងអបអរកំណត់ត្រាថ្មីរបស់ Rooney នេះ នៅថ្ងៃប្រកួតជម្រុះEuro 2016 ពូល E ក្នុងដីចុងក្រោយ ដែលនឹងត្រូវប៉ះអេស្តូនី នាថ្ងៃទី០៩ ខែតុលាខាងមុខ៕
សូមទស្សនាវីដេអូខាងក្រោម៖
-ចុចអាន៖ អង់គ្លេសឈ្នះក្រុមខ្លាំងស្វីស ២-០ ក្នុងជើងទីពីរទៀត
ប្រែសម្រួល៖ វិន ជីវ័ន្ត ប្រភព៖ dailymail