សៅ ឧត្ដម ប្រាប់ផែនការថ្មី

2015-12-09 17:03:47
ចំនួនមតិ 0 | ចំនួនចែករំលែក 0

ចន្លោះមិនឃើញ

សៅ ឧត្តម បានថ្លែងមកកាន់ Sabay ថា លោកកំពុងតែត្រៀមរៀបចំបង្កើតបទចម្រៀងថ្មីៗដោយខ្លួនឯង និងចេញឆាប់ៗនេះ ដើម្បីបង្ហាញដល់ទស្សនិកជន និងអ្នកគាំទ្រនានា។

ឧត្តម ថ្លែង៖ “បាទអូន...បងកំពុងតែធ្វើបទចម្រៀងថ្មីៗមែន ប៉ុន្តែមិនទាន់ចេញទេ ហើយក៏មិនយូរដែរ"។ អតីតបេក្ខភាពរូបនេះបន្តថា លោកសុំលាក់រាល់បទចម្រៀងទាំងអស់សិន ចាំពេលធ្វើរួចរាល់ហើយ និងបង្ហោះឲ្យទស្សនិកជនបានឃើញមិនខាន។

ជាមួយគ្នានោះ បុរសសម្បុរស្រអែមរូបនេះ នៅមិនទាន់អាចប្រាប់បាននៅឡើយថា ចម្រៀងដែលរូបគេផលិតនោះមានចំនួនប៉ុន្មានបទ ហើយជាបទប្រភេទណានោះទេ ដោយគ្រាន់តែស្នើសុំឱ្យមហាជនទន្ទឹងរង់ចាំមើលសិន ព្រោះកុងត្រាជាមួយកម្មវិធី Cambodian Idol មិនទាន់បញ្ចប់នៅឡើយដែរ។ ប៉ុន្តែលោកបានបន្តឲ្យដឹងទៀតថា លោកជាអ្នកនិពន្ធទំនុកច្រៀង និងមានការចូលរួមពីអ្នកជំនាញខាងភ្លេងក្នុងការបង្កើតមេឡូឌីថ្មី សម្រាប់ដំណើរការផលិតបទចម្រៀងទាំងនោះផងដែរ។

អតីតបេក្ខភាព Cambodian Idol ដដែលអះអាងថា ហេតុផលខាងលើនេះហើយ ដែលធ្វើឱ្យលោកមិនទាន់សម្រេចចិត្តចូលច្រៀងក្នុងផលិតកម្មណាមួយទេនៅឡើយ ដោយគ្រាន់តែទៅចូលរួមច្រៀងតាមការប្រគំតន្ត្រីនានាប៉ុណ្ណោះ។ ម្យ៉ាងទៀត លោកចង់ទុកពេលវេលាសម្រាប់ខ្លួនឯងមួយរយៈសិន៕

ភាពយន្តខ្មែរ៣រឿង ក្រុងពាលីចុងឆ្នាំនេះ

មានអ្នកខ្សឹបប្រាប់Sabayថា មុនប្រកាសឈប់ ពេជ្រ សោភា ត្រូវថ្នាក់លើស្ដីបន្ទោស

អត្ថបទ៖ ថា ម៉ាលីដា