ចិនដាក់ពិន័យមន្ត្រី ២៧រូប ក្រោយកាត់ទោសប្រហារជីវិតយុវជនម្នាក់ច្រឡំ
- 2016-02-02 22:44:22
- ចំនួនមតិ 0 | ចំនួនចែករំលែក 0
ចិនដាក់ពិន័យមន្ត្រី ២៧រូប ក្រោយកាត់ទោសប្រហារជីវិតយុវជនម្នាក់ច្រឡំ
ចន្លោះមិនឃើញ
មន្ត្រីចិនចំនួន ២៧រូប ត្រូវដាក់ទណ្ឌកម្ម បន្ទាប់ពីផ្ដន្ទាទោស និងកាត់ទោសប្រហារជីវិតលើយុវជនអាយុ ១៨ឆ្នាំម្នាក់ច្រឡំ កាលពី ២០ឆ្នាំមុន។
ជនរងគ្រោះមានឈ្មោះ Huugjilt ត្រូវបានតុលាការរកឃើញថាមានទោស និងត្រូវកាត់ទោសប្រហារជីវិតក្រោមបទចោទរំលោភ និងសម្លាប់ស្ត្រីម្នាក់ក្នុងបង្គន់សាធារណៈនៅទីក្រុង Hohhot តំបន់ស្វ័យយ័ត Inner Mongolia កាលពីឆ្នាំ ១៩៩៦ កាលគេមានអាយុ ១៨ឆ្នាំ។ រឿងពិតត្រូវបានគេដឹងនៅខែធ្នូឆ្នាំ២០១៤ ក្រោយបុរសម្នាក់ជាជនល្មើសពិតប្រាកដ ឈ្មោះ Zhao Zhihong ចេញមុខសារភាពកំហុស និងត្រូវកាត់ទោសប្រហារជីវិត។
បើតាមប្រភព មន្ត្រី២៦រូបទាក់ទងនឹងករណីខាងលើ មានមន្ត្រីប៉ូលិស និងមន្ត្រីតុលាការ ដោយត្រូវទទួលពិន័យរដ្ឋបាលរួមទាំងការដាស់តឿនក្រើនរំលឹក និងធ្វើកំណត់ត្រាស្ដីបន្ទោស។ ចំណែកមន្ត្រីទី២៧ ជាអតីតអនុប្រធានស្រុក Xincheng អាចប្រឈមនឹងទោសព្រហ្មទណ្ឌ។
ចំណែក ឪពុកម្ដាយជនរងគ្រោះ ក្រោយដឹងការដាស់ទោសបែបនេះនិយាយថាពួកគាត់ខកចិត្ត និងមិនពេញចិត្តទេ គឺសមតែឲ្យធ្ងន់ធ្ងរជាងនេះ។ អ្នកទាំងពីរសរសេរលើ Twitter ថា "កូនប្រុសខ្ញុំអាយុ ១៨ឆ្នាំ ត្រូវកាត់ទោសប្រហារជីវិត ខណៈមិនមានភស្ដុតាងគ្រប់គ្រាន់ ប៉ុន្តែមន្ត្រីទទួលបន្ទុកទាំងនេះទទួលទោស បានត្រឹមធ្វើលិខិតស្ដីបន្ទោសប៉ុណ្ណោះ។តើសាធារណជនអាចទទួលយកបាន ឬទេ”?
ការផ្ដន្ទាទោសខុសទៅលើយុវជននេះ ជាករណីគេរិះគន់ច្រើនបំផុតចំពោះប្រព័ន្ធតុលាការចិននៅប៉ុន្មានឆ្នាំចុងក្រោយនេះ៕
ចុចអាន៖ ការងារ១០ប្រភេទរកចំណូលបានច្រើនជាងគេនៅចិន
ចុចអាន៖ សិច ជាមូលហេតុពីក្រោយស្ត្រីចិនពាក់ស្បែកជើងកន្តុបពត់ម្រាមចូលគ្នា
ប្រែសម្រួល៖ ឡេង ភារុណ ប្រភព៖ CCTV