ជួបម្ដាយនិងកូនស្រីពីរនាក់មានជំងឺក្បាលតូចដោយសារវីរុស Zika
- 2016-02-04 17:51:00
- ចំនួនមតិ 0 | ចំនួនចែករំលែក 0
ជួបម្ដាយនិងកូនស្រីពីរនាក់មានជំងឺក្បាលតូចដោយសារវីរុស Zika
ចន្លោះមិនឃើញ
អ្នកស្រី Gwen Hartley មកពីរដ្ឋ Kansas សហរដ្ឋអាមេរិកបានឲ្យដឹងថា កូនស្រីទាំងពីរនាក់មានជំងឺលលាដ៍ និងខួរក្បាលតូច ដែលអ្នកជំនាញជឿថាបង្កពីវីរុស Zika បានបង្ហាញថាពួកគេមានសុខភាពធម្មតាដូចក្មេងៗដទៃទៀតដែរ។
តាមប្រភព Dailymail អ្នកស្រី Hartley បានឲ្យដឹងថា កូនៗរបស់អ្នកស្រី គឹ Claire ដែលពេលនេះមានអាយុ ១៤ឆ្នាំ បានតេស្តឃើញជំងឺខាងលើពេលនាងមានអាយុ ៣ខែ ចំណែក Lola អាយុ ៩ឆ្នាំ បានតេស្តឃើញតាំងពីនាងនៅក្នុងផ្ទៃ។ គ្រូពេទ្យបានទាយថា កូនស្រីៗរបស់អ្នកស្រី Hartley នឹងមិនអាចរស់នៅបានរហូតដល់ថ្ងៃខួបកំណើតលើកទី១របស់នាងទេ។
តែទោះជាយ៉ាងណា ការទស្សន៍ទាយរបស់គ្រូពេទ្យបានខុសពីការគិត ហើយអ្នកស្រី Hartleyបានលើកទឹកចិត្តអ្នកឪពុកម្ដាយដែលមានកូនកើតជំងឺទាក់ទងនឹងវីរុសនោះ ឲ្យមានភាពរឹងប៉ឹង និងថែទាំសុខភាពពួកគេឲ្យបានល្អ។
ប៉ុន្តែយ៉ាងណាក្ដី ដោយសារតែលក្ខខណ្ឌជំងឺទាក់ទងនិងវីរុស Zika កាចសាហាវនោះ បានធ្វើឲ្យកូនស្រីទាំងពីរនាក់របស់អ្នកស្រី Lola និង Claire មានភាពមិនប្រក្រតីច្រើន មិនអាចនិយាយ និងមិនអាចដើរបាន ទំងន់របស់ពួកគេចូលគ្នាគឺត្រឹមតែ ៤១ផោន (ប្រហែល១៩គីឡូក្រាម) ប៉ុណ្ណោះ និងកើតមានការប្រកាច់ផងដែរ។
គួររំឮកថា វីរុស Zika កំពុងរាតត្បាតនៅទ្វីបអាមេរិក ស្របពេលដែលអង្គការសុខភាពពិភពលោក ប្រកាសជាបញ្ហាអាសន្នសម្រាប់ពិភពលោក។ ជំងឺ Microcephaly(បង្កឲ្យលលាដ៏និងខួរក្បាលតូច) ដែលគេជឿថាទាក់ទងនឹងវីរុស Zika បានក្លាយជាបញ្ហាសំខាន់ធ្វើឲ្យទារកជាច្រើនពាន់នាក់ នៅប្រេស៊ីលដែលបាន កើតមក មានខួរក្បាលតូចប្រក្រតី ធ្វើឲ្យបណ្តាប្រទេសមួយចំនួនក្នុងទ្វីបអាមេរិក ដូចជា ប្រទេស កូឡុំប៊ី អេក្វាឌ័រ អែលសាល់វាឌ័រ ចាម៉ៃកា និង ព័រតូរីកូ បានក្រើនរំលឹកស្ត្រីក្នុងប្រទេសឲ្យចៀសវាង ការមានផ្ទៃពោះក្នុងរយៈពេលកើតមានស្ថានការណ៍នេះ៕
ចុចអាន៖ WHO ប្រកាស វីរុស Zika ជាបញ្ហាអាសន្នសម្រាប់ពិភពលោក
ប្រែសម្រួល៖ មាន រតនា ប្រភព៖ dailymail