ទីបំផុត Power Rangers ចេញឈុតថ្មី ផ្អើលពេញបណ្ដាញសង្គម

2016-05-06 17:45:24
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលដែលភាពយន្ត Power Rangers ត្រៀមចេញនៅរោងកុននៅឆ្នាំ២០១៧ សមាជិកទាំង៥មិនមែនពាក់ឈុតប្រែកាយដូចស៊េរីរឿងមុនឡើយ ដើម្បីប្រយុទ្ធជាមួយបិសាច Rita Repulsa សម្ដែងដោយតារាស្រី Elizabeth Banks ។

ឈុតថ្មី

កាលពីដើមឆ្នាំគេបានបង្ហាញមុខតួអង្គថ្មីដែលត្រូវសម្ដែងជាក្រុម Power Rangers មានដូចជា នាង Becky G (Rangerពណ៌លឿង Trini ), លោក Ludi Lin ( Rangerពណ៌ខ្មៅ Zack ), លោក Dacre Montgomery ( Rangerពណ៌ក្រហម Jason ), នាង Naomi Scott ( Rangerពណ៌ផ្កាឈូក Kimberly) និងលោក RJ Cyler (Rangerពណ៌ខៀវ Billy )។

តួសម្ដែងថ្មី

គ្រាន់តែចេញឈុតថ្មីនេះភ្លាម បានធ្វើឲ្យអ្នកលេងបណ្ដាញសង្គមជាច្រើនមានការចាប់អារម្មណ៍យ៉ាងខ្លាំងជាពិសេសឈុតរបស់ Rangerនារីទាំង២ដែលមានកន្លែងដាក់អាវុធនៅដើមទ្រូងនិងពាក់ស្បែកជើងកែង។ អ្នកលេង twitter ម្នាក់បានបង្ហាញចំណាប់អារម្មណ៍ថា៖"ខ្ញុំទប់សំណើចមិនបានទេសម្រាប់ឈុតរបស់ Ranger នារីមានស្បែកជើងកែងភ្ជាប់ជាមួយ"។

លោក Andrew Menzies ដែលជាអ្នកច្នៃសំលៀកបំពាក់នេះបាននិយាយប្រាប់ Entertainment Weekly ថា៖"វាជាវិធីមួយថ្មីដើម្បីឲ្យអ្នកទាំងអស់គ្នាសើចជាមួយឈុត Power Rangers ថ្មី។ វាជាឈុតចម្លែក ដែលពួកគេពាក់ មិនមែនសម្រាប់អ្នកគ្រប់គ្នាហួសចិត្តទេ។ ពួកយើងកំពុងព្យាមយាមទាក់ចិត្តទស្សនិកជនចាស់ៗនិងបង្កើនអ្នកមើលថ្មីៗ តាមរយៈឈុតនេះ"៕