រឿងបែបស៊ើបអង្កេត ដែលល្បីថាតារាសម្ដែង-ក្រុមផលិត ២ប្រទេសរួមគ្នានោះចេញក្រុងពាលីហើយ
- 2017-07-18 09:48:06
- ចំនួនមតិ 0 | ចំនួនចែករំលែក 0
រឿងបែបស៊ើបអង្កេត ដែលល្បីថាតារាសម្ដែង-ក្រុមផលិត ២ប្រទេសរួមគ្នានោះចេញក្រុងពាលីហើយ
ចន្លោះមិនឃើញ
រឿងភាគដំបូងដែលផលិតដោយក្រុមការងារ និងតារាសម្ដែង ខ្មែរ ថៃ បានចេញក្រុងពាលីហើយកាលពីថ្ងៃទី ១៧ ខែកក្កដា ឲ្យស្ថានីយទូរទស្សន៍PNN ដែលមានចំណងជើងថា "អាថ៌កំបាំងត្រីសូល៍"។
ខ្សែភាពយន្តខាងលើនេះនឹងចាប់ផ្តើមដំណើរការថតនាពេលដ៏ខ្លីខាងមុខ ដោយមានទាំងក្រុមកាងារកម្ពុជា និងក្រុមកាងារបុស្តិ៍លេខ៣ ថៃ សុទ្ធសឹងតែជាអ្នកដែលមានបទពិសោធន៍ និងសមត្ថភាពខ្ពស់ក្នុងវិស័យភាពយន្ត។
"អាថ៌កំបាំងត្រីសូល៍" គឺជាខ្សែភាពយន្តភាគខ្មែរដែលត្រូវផលិតឡើងជាលើកដំបូងដោយស្ថានីយទូរទស្សន៍PNN និងត្រូវបានចូលរួមសម្ដែងដោយតារាល្បីៗកម្ពុជា និងថៃដូចជា កញ្ញា ស៊ិន យូប៊ីន លោក ខាត់ វៃហាំង កញ្ញាមឿង ផាណែត លោក យឹម ណារ៉ា ដោយឡែកតារាថៃមានដូចជាកញ្ញា ម៉ៃ និងលោកភីត។ អ្នកទាំង៦ប្រាំមួយនាក់នេះនឹងបង្កើតឈុតឆាកល្អមើល ប្លែក និងគួរឲ្យចាប់អារម្មណ៍ជាច្រើនក្នុងរឿង "អាថ៌កំបាំងត្រីសូល៍"។
កញ្ញា ទូច បុប្ផាប្រធានផ្នែកកម្មវិធីផ្សាយរបស់ស្ថានីយទូរទស្សន៍PNNបាននិយាយថា៖ "នេះគឺជាលើកទី១ ដែលស្ថានីយទូរទស្សន៍PNN បានផលិតខ្សែភាពយន្តដោយក្រុមកាងាររបស់PNNផ្ទាល់ ហើយនេះក៏ជាការសហការរវាងក្រុមកាងារខ្មែរ និងថៃ ដោយមានគោលបំណងចង់ផ្លាស់ប្តូរនូវបទពិសោធន៍នៃការផលិតខ្សែភាពយន្តភាគទៅវិញទៅមក និងចង់ពង្រឹងគុណភាពនៃខ្សែភាពយន្តភាគខ្មែរឲ្យបានកាន់តែល្អ ហើយនេះក៏ជាលើកទីមួយដែរ ដែលយើងមានតារាសម្ដែងថៃ មកចូលរួមសម្តែងជាមួយតារាខ្មែរយើង"។
យ៉ាងណាមិញសម្រាប់ពាក្យថា ត្រីសូល៍ ក្នុងខ្សែភាពយន្តនេះ សំដៅទៅលើអាវុធរបស់ព្រះសេវៈ និងមានអត្ថន័យដល់ការកសាង ការរក្សា និងការបំផ្លាញ ឬមានន័យសំដៅទៅលើអតីតកាល បច្ចុប្បន្ន និងអនាគត។ យ៉ាងណាក៏ដោយចុងស្រួចទាំងបីរបស់ត្រីសូល៍ ចាត់ទុកជាអាវុធដ៏អស្ចារ្យ ពេលរួមគ្នាហើយមិនថាសត្រូវអាក្រក់ ឬកំណាចដល់កម្រិតណាក៏អាចផ្តួលរំលំបាន។
ខ្សែភាពយន្តនេះបង្ហាញពីការស៊ើបអង្កេត ដើម្បីបង្ក្រាបក្រុមសង្គមងងឹត នឹងរកយុត្តិធម៌ជូនប្រជាជន។ ក្នុងខ្សែភាពយន្តនេះក៏មានរឿងរ៉ាវកើតឡើងមិនចេះចប់ បង្កើតឡើងជាចំណោទបញ្ហាជាច្រើនដែលត្រូវដោះស្រាយ។ ខ្សែភាពយន្តភាគរឿង "អាថ៌កំបាំងត្រីសូល៍"នឹងចាក់បញ្ចាំងជូនទស្សនានៅលើកញ្ចក់ទូរទស្សន៍ភីអិនអិនតែមួយគត់ ទស្សនាសកម្មភាពខ្លះៗនៃពិធីក្រុងពាលីរឿង«អាថ៍កំបាំងត្រីសូល៍»សូមចុច៖