ប្រយ័ត្ន! ជប់ជាប់ពេកដល់ថ្នាក់ប្រើរណា អារយកចេញ ចុងក្រោយដេកពេទ្យ
- 2017-08-25 03:58:34
- ចំនួនមតិ 0 | ចំនួនចែករំលែក 0
ប្រយ័ត្ន! ជប់ជាប់ពេកដល់ថ្នាក់ប្រើរណា អារយកចេញ ចុងក្រោយដេកពេទ្យ
ចន្លោះមិនឃើញ
ការជប់ជាវិធីសម្រួលអាការៈឈឺចុករោយសរសៃដ៏ពេញនិយម និងកើតមានជាយូរមកហើយនៅអាស៊ីមិនថាកម្ពុជា ថៃ វៀតណាម ជាពិសេសនៅចិន។
ការជប់ជាមួយអ្នកជំនាញត្រឹមត្រូវក៏អាចព្យាបាលអាការៈឈឺចុកចាប់បានមួយគ្រាដែរ តែបើជ្រើសរើសកន្លែងខុស ប្រាកដជាស៊យធំហើយ ព្រោះវានឹងគ្រោះថ្នាក់ដល់ខ្លួន។ ចំពោះករណីបុរសនេះវិញ គាត់បានឲ្យអ្នកនៅផ្ទះជាមួយជប់ឲ្យ តែបែរជាពែងជប់ស្រូបជាប់ដកមិនចេញ រហូតហើមសាច់ប៉ោងក្រហមងាំង។
បុរសរូបនេះមានឈ្មោះថា Hu បានសម្រេចចិត្តប្រើវិធីជប់បុរាណកាលពីថ្ងៃទី ២២សីហា នៅផ្ទះរបស់ខ្លួនក្នុងទីក្រុងវូហាន ខេត្តហ៊ូបេ ប្រទេសចិន។ ប្រពន្ធរបស់គាត់បានយកពែងរឹងមួយ ទៅជប់លើខ្នងបែរដកមិនចេញទោះប្រើមនុស្សប៉ុន្មាននាក់ក៏ដោយ។ គាត់មានការភិតភ័យ រួចក៏យកញញួរមកដំបំបែក នៅតែមិនអាចទៅរួច។
បន្ទាប់មក គាត់បានរត់ទៅរកអ្នកពន្លត់អគ្គីភ័យ ៤នាក់ឲ្យជួយ ពួកគាត់សម្រេចប្រើរណាអារបំបែកពែងបន្តិចម្ដងៗទើបអាចយកចេញបាន។ ភ្លាមៗបន្ទាប់យកបានហើយ គាត់ត្រូវបានបញ្ជូនទៅកាន់មន្ទីរពេទ្យភ្លាមៗដើម្បីព្យាបាលរបួសតែម្ដង។
គួរបញ្ជាក់ថា កាលពីឆ្នាំមុនបុរសអាយុ ៦៣ឆ្នាំម្នាក់ បានជប់ និងរលាកលើខ្នងធ្ងន់ធ្ងររហូតបង្កើតជារន្ធគួរឲ្យព្រឺរោមចំនួន ៧ តែសំណាងដែលគេបញ្ជូនគាត់ទៅកាន់មន្ទីរពេទ្យទាន់ពេលវេលា បើពុំដូច្នោះទេរបួសនឹងវិវឌ្ឍទៅជាអាប់សែមិនខាន៕
ចុចអាន៖
អ្នកជំនួញហុងកុងជោគជ័យម្នាក់ បាត់ខ្លួន១១ឆ្នាំ ចុងក្រោយប្រទះឃើញដេកតាមផ្លូវ
អ្នកវិទ្យាសាស្ត្ររកឃើញភ្នំភ្លើងជិត១០០ នៅក្រោមទឹកកកអង់តាកទិចគួរឲ្យភ្ញាក់ផ្អើល
ទីក្រុងល្បីឈ្មោះមួយនៅវៀតណាម មនុស្ស១០នាក់ មានម្នាក់ញៀនថ្នាំ