លក្ខខណ្ឌរើសកងទ័ពថ្មីរបស់ចិន គឺមិនឲ្យលេងហ្គេម និងសម្រេចកាម

2017-08-25 07:16:45
ចំនួនមតិ 0 | ចំនួនចែករំលែក 0

ចន្លោះមិនឃើញ

យោធាចិនកំពុងបារម្ភពីការស្វែងរកយុទ្ធជនជំនាន់ក្រោយដែលភាគច្រើនធ្លាក់ក្នុងការតេស្តសាកល្បងពីស្វាហាប់ ក្នុងលក្ខខ័ណ្ឌដ៏តឹងរ៉ឹងរបស់ខ្លួន។ លក្ខខណ្ឌនោះគឺ ហាមមិនឱ្យលេងហ្គេម និងសម្រេចកាមដោយខ្លួនឯង ដើម្បីកុំឲ្យបាក់កម្លាំង។

ប្រមុខកងទ័ពរំដោះចិនត្រូវធានាថា បេក្ខជនទាំងអស់ស្ថិតក្នុងលក្ខខណ្ឌល្អគ្រប់គ្រាន់ទើបអាចប្រជែងជាមួយកងកម្លាំងយោធាកំពូលរបស់ពិភពលោក ។ ដោយឡែកការសែតកងទ័ពចិន PLA Daily ប្រាប់ប្រព័ន្ធផ្សព្វផ្សាយក្នុងស្រុកថា មានហេតុផលចំនួន ១០ ដែលបេក្ខជនភាគច្រើនធ្លាក់នៅដំណាក់កាលទី១ ។

ក្នុងចំណោមពួកគេមាន ២០ភាគរយលើសទម្ងន់ ខណៈ ៨ភាគរយផ្សេងទៀតត្រូវបានបដិសេធមិនឱ្យចូលព្រោះមានសរសៃឈាមពងស្វាសធំពេក។ ការសែតនេះមិនបានបង្ហាញថាតើមន្ត្រីកងទ័ពអាចដឹងពីបញ្ហាសរសៃដោយវិធីណានោះទេ តែបញ្ហាបណ្ដាលមកពីការសម្រេចកាមដោយខ្លួនឯងច្រើនពេក ឬលេងវីដេអូហ្គេម និងមិនបានហ្វឹកហាត់គ្រប់គ្រាន់ជាដើម ។

គួរបញ្ជាក់ថា ចាប់តាំងប្រធានាធិបតីចិន ស៊ី ជិនពីង ចូលកាន់តំណែងតាំងពី ២០១២ មកក៏បានប្រកាសឱ្យមានយោធាត្រៀមប្រយុទ្ធដ៏ខ្លាំងក្លាជាមួយនឹងកិច្ចប្រឹងប្រែងដើម្បីបង្រួបបង្រួមបក្សកុម្មុយនិស្តចិន៕

ចុចអានអត្ថបទ៖

ប្រភព៖ Channelnewsasia ប្រែសម្រួល៖ សិរីបុទ្រ