មកចេះតិចនិកថតរូបលក្ខណៈ Infrared
- 2017-11-16 02:32:21
- ចំនួនមតិ 0 | ចំនួនចែករំលែក 0
មកចេះតិចនិកថតរូបលក្ខណៈ Infrared
ចន្លោះមិនឃើញ
ភ្នែកមនុស្សអាចយល់ពីពណ៌លើខ្នាតរលកប្រវែងពី ៤០០ ទៅ ៧០០ Nanometers ហើយគ្រប់យ៉ាងលើស ឬក្រោមខ្នាតនេះមិនចាប់អារម្មណ៍ដល់ Retina (ស្រទាប់ភ្នែកខាងក្រោយ) នោះទេ។
Infrared មានខ្នាតរលកប្រវែងពី ៧០០ Nanometers (ខ្នាត) ដល់ 300 GHz។ ទោះបីជាភ្នែកអ្នកមិនអាចឃើញពន្លឺ Infrared តែកាមេរ៉ាភាគច្រើនអាច មានន័យថា អ្នកអាចថតរូបដោយប្រើពន្លឺមួយ ដែលអ្នកមិនអាចឃើញនឹងភ្នែក។ ជាធម្មតា អ្នកត្រូវការបន្ថែម Filter ក្នុងការរារាំងពន្លឺផ្សេងចេញពីការលាក់បាំងនូវពន្លឺ IR។ វិទ្យុសកម្ម Infrared មានឥទ្ធិពលលើ Lens ដោយវត្ថុលើរូបភាពនឹងបង្ហាញមានពណ៌ និង Contrasts ដែលអ្នកស្ទើរតែមិនអាចទទួលបានជាមួយនឹងបច្ចេកទេសផ្សេងទៀត។ អ្នកអាចឃើញនូវរូបភាពប្រភេទ Infrared លើអ៊ីនធឺណិតជាច្រើន ពិបាកសម្គាល់លើរបៀបក្នុងការថត។
ការថតរូបលក្ខណៈ Infrared លេចជារូបរាងឡើងនៅដើមសតវត្សទី ២០។ រូបភាពលក្ខណៈ Infrared ដំបូងបង្ហាញនៅឆ្នាំ ១៩១០ ក្នុង Century Magazine និង Royal Photographic Society Journal។ រូបភាពប្រើបច្ចេកទេសបែបនេះ មានការប្រើយ៉ាងទូលំទូលាយនៅឆ្នាំ ១៩៦០។ ដូច្នេះអ្នកអាចស្វែងយល់នូវលក្ខណៈថតរូបបែបនេះ ដូចខាងក្រោម៖
ថតអ្វីក្នុងលក្ខណៈ Infrared
ពេលថតលក្ខណៈ Infrared វត្ថុមានចលនាអាចមានចំនួនពន្លឺ IR ល្អប្រសើរជាង វត្ថុនៅឆ្កឹង ដូច្នេះរូបភាពដូចជា ដើមឈើ ស្មៅ ផ្កា ជាដើម អាចបង្ហាញទិដ្ឋភាពបានយ៉ាងល្អ។ លើរូបភាព កន្លែងម្លប់នឹងមានពណ៌សរច្បាស់ល្អបង្ហាញឡើង ដែលជាចំណុចបង្ហាញពីរូបភាព Infrared។ ផ្ទុយទៅវិញ រូបថ្ម ទឹក និងមេឃទំនងជាស្រូបយកពន្លឺ Infrared ហើយបង្ហាញជាវត្ថុពណ៌ខ្មៅ ក្នុងការថត។ រូបភាពទេសភាពជាជម្រើសដ៏ល្អសម្រាប់ការថតរូបប្រភេទនេះ ហើយរូបភាព Infrared ត្រូវការ Exposure រយៈពេលវែង ក្នុងការបង្កកចាប់យករូបភាពមានចលនា។ ម្យ៉ាងវិញទៀត ប្រសិនបើអ្នកចង់ស្វែងរកពន្លឺ Infrared អ្នកគួរថតនៅកណ្ដាលថ្ងៃ ពេលព្រះអាទិត្យខ្ពស់ ហើយមានពន្លឺចាំង។ ការថតរូបលក្ខណៈ IR ស្រដៀងនឹងការថតរូបពណ៌ខ្មៅ និងសរក្នុងទិដ្ឋភាព។ ដូច្នេះប្រសិនបើអ្នកចង់បន្ថែមកម្លាំងលើរូបភាព អ្នកគួរផ្ដោតលើធាតុផ្ទុយគ្នា ឧទាហរណ៍ វត្ថុពណ៌ខ្មៅ ដាក់កៀកនឹងធាតុមានពន្លឺជាដើម។
ការថតរូប
ក្នុងការថតរូបលក្ខណៈ Infrared អ្នកត្រូវការឧបករណ៍ និងបែបបទក្នុងការថត ដូចខាងក្រោម។
ឧបករណ៍
អ្នកគួរប្រាកដថា កាមេរ៉ាអ្នកមិនមាន Filter ស្រាប់ក្នុងការរារាំងពន្លឺ IR ឆ្ពោះទៅកាន់ Sensor។ អ្នកអាចត្រួតពិនិត្យមើលម៉ូដែលកាមេរ៉ាអ្នកលើ Google ឬកំណត់កាមេរ៉ាប្រើ Live view តម្រង់ទៅ TV remote control នៅលើ Lens ហើយចុចប៊ូតុងពីរបី។ ប្រសិនបើមានពន្លឺលោតពណ៌ក្រហមតូចមួយលើអេក្រង់កាមេរ៉ាបញ្ជាក់ថា កាមេរ៉ាអ្នកអាចឃើញនូវពន្លឺ IR។
អ្នកគួរមាន Infrared filter អាចមានតម្លៃពី ២០ ដុល្លារ ដល់ ១០០ ដុល្លារ។
អ្នកគួរមាន Tripod ព្រោះអ្នកត្រូវការប្រើ Exposure រយៈពេលយូរ ដើម្បីទប់លំនឹងពេលថតរូបការពារកុំឲ្យព្រាល។
បែបបទក្នុងការថត
ក្នុងការថតរូបលក្ខណៈ IR អ្នកគួរដាក់កាមេរ៉ាលើ Tripod ហើយធ្វើការ Focus មុនពេលចុចថត។ ការថតខ្លះអាចត្រូវការប្រើ Exposure រយៈពេលដល់ទៅ ៦ នាទី ដូច្នេះអ្នកគួរមាន Remote shutter ក្នុងការប្រើប្រាស់។ ពេលអ្នកថតរូបរួច ទិដ្ឋភាពរូបនឹងមើលទៅមានពណ៌ក្រហម និងមានលក្ខណៈភក់លើអេក្រង់បង្ហាញ ប៉ុន្តែនោះហើយជាអ្វីអ្នកត្រូវការ។ ប្រសិនបើអ្នកចង់ឲ្យរូបភាព Infrared កាន់តែស្រស់ស្អាត អ្នកអាចកាត់តប្រើកម្មវិធី Lightroom ក្នុងការកែប្រែ White balance និង Photoshop ក្នុងការកែតម្រូវពណ៌៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...
ចុចអានបន្ត៖