Louis van Gaal៖ Blind គួរចេញពី Man Utd ទៅ Barca

2017-12-25 06:55:09
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតអ្នកចាត់ការ Manchester United លោកLouis van Gaal បានលើកឡើងថា Daley Blind ពេលនេះកំពុងត្រូវគេធ្វើបាប ហើយគេគួរតែពិចារណាចេញពី Man Utd ទៅចូលរួមជាមួយ Barcelona។

កីឡាករហូឡង់បានក្លាយត្រឹមជាតួជំនួសប៉ុណ្ណោះ នៅកីឡដ្ឋាន Old Trafford ក្នុងរដូវកាលនេះ ដោយលោក Jose Mourinho បានប្រើកីឡាករផ្សេងជំនួសគេ ។ ការមកដល់របស់ Nemanja Matic ធ្វើឲ្យ Blind បាត់ដំណែងលេងនៅបម្រើការពារ សូម្បីទីតាំងការពារឆ្វេងដែលកីឡាករវ័យ២៧ឆ្នាំអាចលេងបាន ក៏ត្រូវជំនួសដោយ Ashley Young ដែរ។

van Gaal ដែលនាំយក Blind ពី Ajax មកកាន់បិសាចក្រហមនៅឆ្នាំ២០១៤ ជឿជាក់ថា គេ( Blind) សមតែបានលេងច្រើនលើទៅលាន ហើយបើអាចគួររកចំណុចពិភាក្សាណាមួយផ្លាស់ទៅ Nou Camp នៅខែមករាខាងមុខ។

ថ្លែងប្រាប់ The Mirror លោក Louis van Gaal និយាយថា៖ "Deley Blind គួរចេញទៅលេងនៅ Barcelona ល្អជាងនៅ Man Utd។ ពេលខ្លះគេមិនត្រូវមកអង្គុយនៅកៅអីបម្រុងទេ។ Deley អាចលេងបានច្រើនដំណែង ហើយទៅ Barca គេអាចនឹងមានកន្លែងលេងបាន។ Deley អាចលេងបានទាំងការពារកណ្ដាល, បម្រើការពារ និង ការពារឆ្វេង។ គេអាចលេងគ្រប់កន្លែង"៕

ចុចអាន៖

ប្រភព៖ Dailymail ប្រែសម្រួល៖ ហេង សុធារិទ្ធិ