បុរសកំពូលចម្លែក យកឥដ្ឋ និងក្រួស ធ្វើជាអាហារ (វីដេអូ)

2014-11-12 21:41:37
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិឥណ្ឌាម្នាក់ ឈ្មោះ Pakkirappa Hunagundi បានបង្កឱ្យមានការភ្ញាក់ផ្អើល ក្រោយពិភពលោកដឹងថាលោកយក ដុំក្រួស ភក់ និងដីឥដ្ឋ ធ្វើជាអាហារយ៉ាងឆ្ងាញ់ពិសា ខុសពីមនុស្សធម្មតា។

បើយោងតាមតាមគេហទំព័រ Daily Mirror បានឱ្យដឹងថា បុរសអាយុ៣០ឆ្នាំ បានបរិភោគកម្ទេចកំទី ឬអំបែងទាំងនេះ អស់៣គីឡូក្រាមក្នុងមួយថ្ងៃ។ មនុស្សជាច្រើនបានសម្ដែងការព្រួយបារម្ភថា បើទទួលទានបែបនេះទៀត Hunagundi នឹងទទួលរងជំងឺម្យ៉ាងហៅថា Pica ប៉ុន្តែលោកថា មិនមានអ្វីកើតឡើងចំពោះសុខភាពទេ។

បុរសសម្បុរខ្មៅស្រអែមបង្ហើបប្រាប់ថា៖ "ខ្ញុំចូលចិត្តហូបរបស់ទាំងនេះ។ វាជាផ្នែកមួយនៃជីវិតរបស់ខ្ញុំ។ ខ្ញុំចាប់ផ្ដើមតាំងពីវ័យ១០ឆ្នាំ។ ឥលូវខ្ញុំគិតថា វាចាំបាច់ណាស់សម្រាប់ខ្ញុំ"។

ក្រោយមានទម្លាប់ដែលសឹងថា គ្មានអ្នកណាធ្វើដូច លោកចង់បង្ហាញទេពកោសល្យចម្លែកនេះ នៅទូទាំងប្រទេសឥណ្ឌា ដើម្បីស្វែងរកប្រាក់កាក់ខ្លះ មកចិញ្ចឹមគ្រួសារ ។

បុរសធ្មេញរឹងបន្ថែមថា ៖" ខ្ញុំអាចអត់អាហារបាន តែមិនអាចអត់ហូបឥដ្ឋឬភក់ទេ។ ខ្ញុំមិនដែលមានជំងឺអ្វីឡើយ ចំណែកធ្មេញខ្ញុំល្អចែស។ ខ្ញុំអាចខាំថ្មរឹង បានដោយគ្មានបញ្ហា៕