បែកពី Selena មិនទាន់បានប៉ុន្មានផង Justin Bieber ផ្ដើមបណ្ដើរស្រីថ្មី?

2018-03-22 02:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីផ្ដាច់ទំនាក់ទំនងមួយរយៈជាមួយ Selena Gomez តារាចម្រៀង Justin Bieber ត្រូវបានប្រទះឃើញចំណាយពេលដើរលេងជាមួយតារាម៉ូដែល Baskin Champion កាលពីយប់ថ្ងៃអង្គារ។

តារាចម្រៀង Justin Bieber និងតារាម៉ូដែល Baskin Champion បានចូលរួមការប្រគំតន្ត្រីរបស់តារាចម្រៀង Craig David ជាមួយគ្នានៅ Roxy ក្នុងទីក្រុង Los Angeles។ បើតាមអ្នកដែលបានឃើញពួកគេទាំង២ បានប្រាប់ថាតារាទាំង២រូបនេះសើចសប្បាយរីករាយក្នុងការប្រគំតន្ត្រីនោះ ក្រោយមកក៏ឡើងឡានជាមួយគ្នា។

តាមប្រភពមួយបានប្រាប់វិបសាយ E!News ថា៖ "Justin បានដើរលេងជាមួយ Baskin។ ក្រោយចប់កម្មវិធីពួកគេទាំង ២ បានទៅផ្ទះរបស់Justin ថែមទៀតផង។ Justin បាននាំមិត្តភក្តិរបស់លោកទៅជាមួយក្នុងការប្រគំតន្ត្រីនោះដែរ ប៉ុន្តែពួកគេបានចាកចេញអស់ ហើយ Justin និង Baskin នៅជាមួយគ្នាតែ ២នាក់ទេនៅយប់នោះ"។

បើតាមប្រភពមួយផ្សេងទៀតបានប្រាប់វិបសាយខាងលើទៀតថា៖ "នេះមិនមែនជាលើកទី១ទេ ដែលពួកគេដើរលេងជាមួយគ្នានោះ។ ពួកគេបណ្ដើរគ្នាជាច្រើនដងដែរនាប៉ុន្មានថ្ងៃនេះ។ ពួកគេបានទៅដើរលេងជាមួយគ្នាក្នុងយប់ថ្ងៃសុក្រជាមួយ Patrick និង Abby។ ពួកគេទៅក្លឹប និងទៅមើលការប្រគំតន្ត្រីកាលពីថ្ងៃអង្គារនោះផងដែរ ហើយក៏បានចាកចេញទៅផ្ទះជាមួយគ្នា"៕