គ្រូ PSG ថា ទិញ Neymar ដូចបន្ថែមសម្ពាធដាក់ខ្លួន
- 2017-08-07 04:21:41
- ចំនួនមតិ 0 | ចំនួនចែករំលែក 0
គ្រូ PSG ថា ទិញ Neymar ដូចបន្ថែមសម្ពាធដាក់ខ្លួន
ចន្លោះមិនឃើញ
អ្នកចាត់ការក្លឹប Paris Saint-Germain លោក Unai Emery បាននិយាយថា ការចុះកុងត្រាយក Neymar ក្នុងតម្លៃ១៩៨លានផោន គឺជាការបន្ថែមសម្ពាធលើខ្លួនលោក ក្នុងនាមជាអ្នកចាត់ការ។
ប៉ុន្តែ Emery ក៏រីករាយនឹងទទួលសម្ពាធនេះដែរ ព្រោះលោកចង់ប្រឹងប្រែងឡើងវិញនៅទីក្រុងប៉ារីស ក្រោយខកចិត្តកាលពីរដូវកាលមុន។ ក្នុងរដូវកាលនេះ PSG បាននាំចូលកីឡាករថ្មីរូបរួមមាន Yuri Berchiche និង Dani Alves ពី Real Sociedad និង Juventus ប៉ុន្តែ Neymar គឺជាកីឡាករដែលគេផ្ដោតសំខាន់ជាង ក្នុងការផ្លាស់មក Parc des Princes។
“Neymar គឺជាកីឡាករដែលអាចជួយក្លឹបទទួលបានកម្រិតខ្ពស់មួយកម្រិតទៀត។ គ្មានគេ PSG គឺជាក្លឹបដ៏អស្ចារ្យ ប៉ុន្តែបើមានគេបន្ថែមក្លឹបកាន់ល្អមួយកម្រិតទៀត។ កីឡាករដទៃនៅទីនេះក៏ជាកីឡាករល្អដូចគ្នា ដូច្នេះពេលពួកយើងរួបរួមគ្នា ពួកយើងកាន់តែប្រសើរ។ ស្វាគមន៍ចំពោះសម្ពាធនេះ ក៏ដូចជារឿងវិជ្ជមានទាំងឡាយ។ Neymar មកទីនេះដើម្បីផ្ដល់ឲ្យក្រុមកាន់ល្អបន្ថែមមួយកម្រិតទៀត។ Neymar ពិតជាល្អសម្រាប់ពូកយើង"។
Emery និង Neymar ក្លាយជាទីចាប់អារម្មណ៍នៅរដូវកាលក្រោយ។ ចំពោះពាក្យរបស់លោក Emery ថា ការមកដល់របស់ Neymar គឺជាសម្ពាធ ព្រោះលោកមានកីឡាករល្អក្នុងដៃ តែប្រសិនដឹកនាំមិនល្អ នោះកៅអីជាអ្នកចាត់ការនឹងក្ដៅហើយ៕
ចុចអាន៖
Alves ថា Neymar ធំដឹងក្ដីហើយ គេអាចសម្រេចអ្វីតាមចិត្តខ្លួនឯងបាន
Mourinho ធ្វើបានកំណត់ត្រាមួយក្នុងប្រវត្តិសាស្ត្របាល់ទាត់ គ្រប់គ្នាស្មានមិនដល់