ហេតុផល៥យ៉ាង ដែលអ្នកឆាប់ខឹងមានអាយុខ្លី

2017-11-26 09:17:49
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលអ្នកខឹង អ្នកអាចសង្កេតដឹងដោយខ្លួនឯងនូវអាការៈមួយចំនួនដូចជា ឆាប់ញាប់ញ័រ ចង្វាក់បេះដូងដើរញាប់ និង ក្រោយមកមានអារម្មណ៍ថាឈឺក្បាល និងអស់កម្លាំង។ នេះជាសញ្ញាណហានិភ័យដល់សុខភាព។

១ មនុស្សពូកែខឹងនឹងឆាប់ស្លាប់មុនអាយុ

អ្នកស្រាវជ្រាវមកពីសាកលវិទ្យាល័យនៃរដ្ឋអាយអូវ៉ាបានរកឃើញថា អ្នកដែលមានកំហឹងអាយុពី ២០ ទៅ ៤០ ឆ្នាំមានអត្រាស្លាប់ដល់ទៅ១ដងកន្លះ បើធៀបនឹងអ្នកមិនសូវខឹង។

២ ខឹងបណ្ដាលឱ្យឈឺក្បាល

អារម្មណ៍រំជើបរំជួល ឬកំហឹង នាំឱ្យមានការបញ្ចេញអ័រម៉ូនស្ត្រេស cortisol អ័រម៉ូនអាត្រណាលីន តេស្តូស្តេរ៉ូន ដែលធ្វើឱ្យរាងកាយចុះខ្សោយ ហើយវានឹងបង្កើនចរន្តឈាមហូរទៅកាន់ខួរក្បាល និងធ្វើឱ្យហើមសរសៃឈាម និង សរសៃប្រសាទជុំវិញខួរក្បាល។ សម្ពាធនេះអាចនាំឱ្យមានភាពតានតឹង និងឈឺក្បាល។

៣ កំហឹងអាចនឹងធ្វើឲ្យឆាប់ទទួលជំងឺ

យោងតាមក្រុមអ្នកស្រាវជ្រាវនៅសាកលវិទ្យាល័យ Southampton បានឱ្យដឹងថា ការបេញ្ចេញសារធាតុ Cortisol ច្រើនពេកនៅក្នុងខ្លួន ដែលត្រូវបានបញ្ចេញដោយក្រពេញ Adrenal អំឡុងពេលអ្នកខឹងខ្លាំង អាចបណ្ដាលឱ្យមានអតុល្យភាពជាតិស្ករក្នុងឈាម ហើយវារារាំងក្រពេញទីរ៉ូអ៊ីត និងបន្ថយដង់ស៊ីតេឆ្អឹង។ មួយទៀត ការបញ្ចេញនូវ សារធាតុ Cortisol ច្រើននឹងធ្វើឲ្យប្រព័ន្ធភាពស៊ាំការពាររាងកាយអ្នកចុះខ្សោយ ហើយឆាប់ទទួលរងជំងឺ។

៤ ធ្វើឲ្យអ្នកឆាប់ញាប់ញ័រ និង ឆាប់បាក់ទឹកចិត្ត

នៅពេលអ្នកខឹងសរសៃប្រសាទ និង អរម៉ូនត្រូវបានបញ្ជូនតាមរយៈចរន្តឈាម ដែលនឹងបង្កើនទាំងចង្វាក់បេះដូង និង ភាពតានតឹងសាច់ដុំ។ នេះគឺជាស្ថានភាពប្រុងប្រយ័ត្នរបស់រាងកាយ។ បើប្រតិកម្មនេះឧស្សាហ៍កើតមានញឹកញាប់ វានឹងធ្វើឲ្យប៉ះពាល់ដល់ "មជ្ឈមណ្ឌលគ្រប់គ្រងភាពតានតឹងរបស់ខួរក្បាល ឬ stress control centre” បានន័យថាយូរៗទៅ អ្នកនឹងលែងអាចគ្រប់គ្រងភាពញាប់ញ័រ និង នាំឲ្យកើតមានជំងឺបាក់ទឹកចិត្ត។

៥ ហានិភ័យនៃការកើនឡើងជំងឺបេះដូង

អ្នកជំនាញនៅសាកលវិទ្យាល័យ Harvard បានឲ្យដឹងថា នៅពេលដែលអ្នកខឹងនឹងធ្វើឲ្យសម្ពាធឈាមកើនឡើង ដោយសារអរម៉ូន adrenaline ហើយបេះដូងលោតលឿន ដែលវានឹងរាំងស្ទះដល់ការបញ្ចេញប្លាកែត ដែលអាចបង្កឲ្យមានកំណកឈាម ឬរាំងស្ទះដល់សរសៃឈាមអាកទែ ហើយអាចបង្កើនហានិភ័យនៃចង្វាក់បេះដូងដែលអាចបណ្ដាលឱ្យស្លាប់បាន ពិសេសអ្នកឡើងកូឡេស្តេរ៉ុល។

អានអត្ថបទ៖

ប្រភព៖ Dailymail ប្រែសសម្រួល៖ សុខ លាងហ៊ត